Monsoon Alert : आज पावसाचा जोर वाढण्याची शक्यता

IMD Alert : आज (ता. ७) राज्याच्या विविध भागांत तुरळक ठिकाणी विजांसह जोरदार पावसाचा ‘येलो अलर्ट’ देण्यात आला आहे.
Rain Alert
Rain AlertAgrowon

Maharashtra Weather Update : बंगालच्या उपसागरातील कमी दाब प्रणालीमुळे राज्यात पावसाला पोषक हवामान झाले आहे. आज (ता. ७) राज्याच्या विविध भागांत तुरळक ठिकाणी विजांसह जोरदार पावसाचा ‘येलो अलर्ट’ देण्यात आला आहे. उर्वरित राज्यात हलक्या ते मध्यम पावसाचा अंदाज हवामान विभागाने दिला आहे.

Rain Alert
Monsoon 2023 : मराठवाड्यात विजांसह पावसाचा अंदाज ; पूर्व विदर्भात ‘ऑरेंज अलर्ट’

बंगालच्या उपसागरात तयार झालेले कमी दाबाचे क्षेत्र निवळले आहे. मात्र अंतर्गत ओडिशा आणि परिसरावर समुद्र सपाटीपासून ७.६ किलोमीटर उंचीवर चक्राकार वारे वाहत आहेत. मॉन्सूनचा आस असलेला कमी दाबाचा पट्टा सर्वसाधारण स्थितीच्या दक्षिणेकडे आला असून, बिकानेर, गुणा, मंडला, रायपूर, कलिंगापट्टनम ते पूर्व-मध्य बंगालच्या उपसागरापर्यंत सक्रिय आहे.

Rain Alert
Rain Update : सिंधुदुर्ग जिल्ह्यात पावसाचे जोरदार पुनरागमन

पावसाला पोषक हवामान झाल्याने बुधवारी (ता. ६) सकाळपर्यंतच्या २४ तासांत विदर्भ, मराठवाड्यात अनेक ठिकाणी, तर कोकण, मध्य महाराष्ट्रात तुरळक ठिकाणी पावसाने हजेरी लावली. सकाळपासून उन्हाचा चटका वाढत असून, ढगाळ हवामानासह उकाडा वाढत आहे. आज (ता. ७) कोकणातील रायगड, रत्नागिरी, सिंधुदुर्ग, मध्य महाराष्ट्रातील नंदुरबार, धुळे, जळगाव, पुणे, मध्य महाराष्ट्रातील छत्रपती संभाजीनगर, जालना, तर विदर्भातील अकोला, अमरावती, यवतमाळ, वर्धा, नागपूर, चंद्रपूर जिल्ह्यांत जोरदार पावसाची शक्यता आहे. उर्वरित राज्यात हलक्या ते मध्यम पावसाचा अंदाज हवामान विभागाने वर्तविला आहे.

जोरदार पावसाचा इशारा (येलो अलर्ट)

रायगड, रत्नागिरी, सिंधुदुर्ग, नंदुरबार, धुळे, जळगाव, पुणे, छत्रपती संभाजीनगर, जालना, अकोला, अमरावती, यवतमाळ, वर्धा, नागपूर, चंद्रपूर.

विजांसह पावसाचा इशारा

नाशिक, नगर, बीड, धाराशिव, लातूर, परभणी, हिंगोली, नांदेड, बुलडाणा, वाशीम, भंडारा, गोंदिया, गडचिरोली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com