Konkan Weather Update : मॉन्सून सक्रिय झाल्यानंतर राज्यात पावसाचा जोर कमी झाला आहे. अनेक ठिकाणी ऊन सावल्यांच्या खेळात पावसाची उघडीप असल्याचे चित्र आहे. आज (ता. ११) कोकण आणि मध्य महाराष्ट्राच्या घाटमाथ्यावर तुरळक ठिकाणी मध्यम पावसाची शक्यता आहे. उर्वरित राज्यात हलक्या पावसाचा अंदाज हवामान विभागाने वर्तविला आहे.
मॉन्सूनचा आस असलेला कमी दाबाचा पट्टा सर्वसाधारण स्थितीच्या दक्षिणेकडे सक्रिय असून, जैसलमेर, कोटा, सिधी, जमशेदपूर, दिघा ते ईशान्य बंगालच्या उपसागरापर्यंत सक्रिय आहे. मध्य प्रदेश आणि राजस्थान परिसरावर समुद्र सपाटीपासून ७.६ किलोमीटर उंचीवर चक्राकार वारे वाहत आहेत.
त्यापासून छत्तीसगडपर्यंत हवेचा कमी दाबाचा पट्टा तयार झाला आहे. अंदमान समुद्रात चक्राकार वारे वाहत असून, पूर्व-मध्य बंगालच्या उपसागरात मंगळवारपर्यंत (ता. १२) नव्याने चक्राकार वाऱ्यांची स्थिती तयार झाली आहे.
अनेक ठिकाणी मध्यम ते जोरदार पाऊस कोसळल्यानंतर पावसाची जोर कमी झाला आहे. राज्यात ढगाळ हवामानासह उकाड्यात वाढ झाली आहे.
आज (ता. ११) कोकणासह मध्य महाराष्ट्रातील पुणे, सातारा कोल्हापूर जिल्ह्यांत तुरळक ठिकाणी मध्यम पावसाची शक्यता आहे. तर उर्वरित राज्यात हलक्या पावसाचा अंदाज हवामान विभागाने वर्तविला आहे.
तुरळक मध्यम पावसाची शक्यता :
पालघर, ठाणे, रायगड, रत्नागिरी, सिंधुदुर्ग, पुणे, सातारा, कोल्हापूर.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.