Rain Forecast : उत्तर महाराष्ट्र, मराठवाड्यात हलक्या पावसाची शक्यता

Pune News : ढगाळ हवामान झाल्याने राज्यात गारठा कमी झाला आहे. धुके आणि ढगाळ हवामानामुळे किमान तापमानात वाढ होण्याचा अंदाज आहे. आज (ता. १५) उत्तर महाराष्ट्र आणि मराठवाड्यात तुरळक ठिकाणी आकाश ढगाळ राहून हलक्या सरी पडण्याची शक्यता हवामान विभागाने वर्तविली आहे.

आग्नेय अरबी समुद्रामध्ये चक्राकार वाऱ्यांची स्थिती सक्रिय आहे. उत्तर भारतात ११० नॉट्स वेगाने पश्‍चिमेकडील जोरदार वाऱ्यांचे झोत वाहत आहेत. एकामागोमाग येणाऱ्या पश्‍चिमी चक्रवातांच्या तीव्रतेनुसार थंडी कमी-अधिक होत असून, उत्तरेकडील राज्यात दाट धुके अनुभवायला मिळत आहे. मंगळवारी (ता. १४) पश्चिम मध्य प्रदेशातील राजगड येथे देशाच्या सपाट भूभागावरील नीचांकी ४.६ अंश सेल्सिअस तापमानाची नोंद झाली.

राज्याच्या बऱ्याच भागातही सकाळी उशिरापर्यंत धुके पाहायला मिळत आहे. दिवसभर असलेल्या अंशतः ढगाळ हवामानामुळे झाल्याने थंडी पुन्हा गायब झाली आहे. मंगळवारी (ता. १४) धुळे येथील कृषी महाविद्यालयात ८.५ अंश सेल्सिअस तापमानाची नोंद झाली. उर्वरित राज्यात किमान तापमान १३ अंशांच्या पुढे गेले आहे.

मंगळवारी (ता. १४) सकाळपर्यंच्या २४ तासांत रत्नागिरी येथे ३४.२ अंश सेल्सिअस तापमानाची नोंद झाली. आज (ता. १५) मध्य महाराष्ट्र, मराठवाड्यात अंशतः ढगाळ हवामान आणि तुरळक ठिकाणी हलक्या सरींची शक्यता आहे. तर किमान तापमानात २ ते ३ अंशांनी वाढ होण्याची शक्यता हवामान विभागाने वर्तविली आहे.

मंगळवारी (ता. १४) सकाळी ८.३० वाजेपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) :

ठिकाणे---तापमान कमाल---तापमान किमान

पुणे---२९.२---१५.५

अहिल्यानगर---२८---१५.३

धुळे---२५---८.५

जळगाव---२५.९---१४.२

जेऊर---३०.५---१५.५

कोल्हापूर---३०.४---१९.४

महाबळेश्‍वर---२६.२---१५

मालेगाव---२६.४---१३.८

नाशिक---२६.५---१३.८

निफाड---२५.४---१२.४

सांगली---३१.२---१७.९

सातारा---२९.६---१८.१

सोलापूर---३२.४---१९.५

सांताक्रूझ---३४---१९.९

डहाणू---३१.२---१८

रत्नागिरी---३४.२---२१.५

छत्रपती संभाजीनगर---२७.२---१५

धाराशिव---निरंक---१५.४

परभणी---२८.५---१५.१

परभणी (कृषी)---२८---१३.६

अकोला---२८.१---१५.८

अमरावती---२७.६---१३.८

भंडारा---२४.६---१४.४

बुलडाणा---२५.६---१४

ब्रह्मपुरी---२८---१४

चंद्रपूर---२८.६---निरंक

गडचिरोली---२८.६---१३.४

गोंदिया---२३.८---१३.५

नागपूर---२६.४---१४.२

वर्धा---२६.९---१४.२

वाशीम---२७---१७.४

यवतमाळ---२७---१५.४