Pune News: राज्यात मॉन्सून सक्रिय होण्यास पोषक हवामान असल्याने आज (ता. २४) कोकण, घाटमाथ्यावर मुसळधार पावसाची शक्यता असल्याने सावधानतेचा इशारा (रेड अलर्ट) देण्यात आला आहे. उत्तर कोकणात जोरदार पावसाची शक्यता असल्याने दक्षतेचा इशारा ‘ऑरेंज अलर्ट’ तर विदर्भात जोरदार सरींची शक्यता असल्याने दक्षतेचा इशारा (येलो अलर्ट) हवामान विभागाने दिला आहे.
मॉन्सूनचा आस असलेला कमी दाबाचा पट्टा फिरोजपूरपासून कर्नाल, मेरठ, वाराणसी, जमशेदपूर, दिघा ते ईशान्य बंगालच्या उपसागरापर्यंत सक्रिय आहे. ‘विफा’ चक्रीवादळाचे अवशेष असलेल्या चक्राकार वाऱ्यामुळे बंगालच्या उपसागरात आज (ता. २४) कमी दाबाचे क्षेत्र तयार होण्याचे संकेत आहेत. ईशान्य अरबी समुद्रापासून दक्षिण गुजरात, उत्तर मध्य महाराष्ट्र, विदर्भ, तेलंगणा, आंध्र प्रदेशच्या किनारा आणि बंगालच्या उपसागरातील चक्राकार वाऱ्यांपर्यंत हवेचा कमी दाबाचा पट्टा सक्रिय आहे.
बुधवारी (ता. २३) सकाळपर्यंतच्या २४ तासांमध्ये मुंबईसह कोकण, घाटमाथा आणि मध्य महाराष्ट्रातील धरणांच्या पाणलोट क्षेत्रामध्ये जोरदार पावसाने हजेरी लावली. विदर्भ आणि मराठवाड्यात तुरळक ठिकाणी हलका ते मध्यम पाऊस झाला. अंशतः ढगाळ हवामानामुळे तापमानात चढ-उतार होत आहे. विदर्भातील यवतमाळ येथे राज्यातील उच्चांकी ३४.४ अंश सेल्सिअस तापमानाची नोंद झाली.
आज (ता. २४) कोकणातील रायगड, रत्नागिरी, सिंधुदुर्गासह मध्य महाराष्ट्रातील पुण्याचा घाटमाथा, साताऱ्याचा घाटमाथा, कोल्हापूरच्या घाटमाथ्यावर मुसळधार पावसाची शक्यता असल्याने सावधानतेचा इशारा ‘रेड अलर्ट’ देण्यात आला आहे. मुंबई, ठाणे, पालघर, नाशिकच्या घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) आहे. तर केल्हापूर, भंडारा, गोंदिया, चंद्रपूर, गडचिरोली जिल्ह्यात जोरदार सरींची, तसेच बुलडाणा, अकोला, वाशीम, अमरावती, यवतमाळ, वर्धा, नागपूर जिल्ह्यात विजांसह पावसाची शक्यता असल्याने दक्षतेचा इशारा (येलो अलर्ट) आहे. उर्वरित राज्यात तुरळक ठिकाणी हलक्या ते मध्यम पावसाची शक्यता कायम आहे.
बुधवारी (ता. २३) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२८.९---२१.२
धुळे---३३.०---२२.०
जेऊर---३३.०---२१.०
कोल्हापूर---२६.३---२१.८
महाबळेश्‍वर---२०.८---१७.२
मालेगाव---३०.८---२२.२
नाशिक---२८.१---२२.०
निफाड---३२.०---२२.४
सांगली---२८.६---२१.९
सातारा---२८.५---२२.०
सोलापूर---३१.९---२२.६
सांताक्रूझ---३०.१---२४.२
डहाणू---२९.०---२४.६
रत्नागिरी---२८.०---२३.५
छत्रपती संभाजीनगर---३०.७---२३.०
धाराशिव---२८.६---२०.४
परभणी---३०.४---२४.२
परभणी (कृषी)---३०.२---२३.८
अकोला---३२.९---२५.१
अमरावती---३१.४---२३.४
भंडारा---३३.०---२६.०
बुलडाणा---२९.६---२२.७
ब्रह्मपुरी---३३.५---२४.५
चंद्रपूर---३२.८---२५.२
गडचिरोली---३१.०---२४.२
गोंदिया---३३.१---२४.४
नागपूर---३२.६---२५.०
वर्धा---३२.१---२५.०
वाशीम---२८.०---२३.४
यवतमाळ---३४.४---२४.०
मुसळधार पावसाचा इशारा (रेड अलर्ट) :
रायगड, रत्नागिरी, सिंधुदुर्ग, पुणे घाटमाथा, सातारा घाटमाथा, कोल्हापूर घाटमाथा.
जोरदार पावसाचा इशारा (ऑरेंज अलर्ट) :
मुंबई, ठाणे, पालघर, नाशिक घाटमाथा.
जोरदार पावसाचा इशारा (येलो अलर्ट) :
केल्हापूर, भंडारा, गोंदिया, चंद्रपूर, गडचिरोली.
विजांसह पावसाचा इशारा (येलो अलर्ट) :
बुलडाणा, अकोला, वाशीम, अमरावती, यवतमाळ, वर्धा, नागपूर.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.