Pune News : राज्यातील काही भागात मागील ४ दिवस जोरदार पाऊस झाला. या पावसाने पिकांचे मोठ्या प्रमाणात नुकसान केले. पण मराठवाडा आणि विदर्भात पावसाचे प्रमाण कमी होईल, असा अंदाज हवामान विभागाने दिला.
आज राज्यातील काही भागात पावसाचा अंदाज आहे. विशेषतः मराठवाडा आणि विदर्भात काही ठिकाणी जोरदार पावसाचा अंदाज आहे. हवामान विभागाने आज विदर्भातील सर्वच जिल्ह्यांमध्ये काही ठिकाणी जोरदार पावसाचा येलो अलर्ट दिला.
तर मराठवाड्यातही सर्वच जिल्ह्यांमध्ये काही ठिकाणी जोरदार पावसाचा अंदाज हवामान विभागाने दिला. खानदेशातही येलो अलर्ट देण्यात आला आहे. तर कोकण आणि मध्य महाराष्ट्रात पावसाची उघडीप राहील, अशी शक्यताही हवामान विभागाने व्यक्त केली.
उद्यापासून मराठवाड्यात पावसाची उघडीप राहण्याचा अंदाज आहे. धाराशिव, लातूर, नांदेड आणि हिंगोली जिल्ह्यात काही ठिकाणी विजांसह हलक्या ते मध्यम पावसाचा अंदाज हवामान विभागाने दिला. तर विदर्भातील सर्वच जिल्ह्यांमध्ये काही ठिकाणी जोरदार पावसाचा येलो अलर्ट हवामान विभागाने दिला. राज्याच्या इतर भागात काही ठिकाणी हलक्या ते मध्यम पावसाचा अंदाज आहे. मात्र जोरदार पावसाची शक्यता नाही.
शुक्रवारपासून विदर्भातही पाऊस उघडीप देण्यात शक्यता आहे. शुक्रवार, शनिवार आणि रविवार या तीन दिवसांमध्ये कोकण आणि मध्य महाराष्ट्राच्या घाटमाथ्यावर म्हणजेच पुणे, सातारा आणि कोल्हापूर जिल्ह्यात काही ठिकाणी जोरदार पावसाचा अंदाज हवामान विभागाने दिला. तर मराठवाड्यात काही ठिकाणी हलक्या ते मध्यम सरी पडतील. विदर्भात मात्र पुढचे तीनही दिवस पावसाची उघडीर राहू शकते, असा अंदाजही हवामान विभागाने दिला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.