Weather Update : वादळी वारे अन् विजांसह पावसाचा हवामान विभागाचा इशारा

Pune News : उन्हाचा चटका वाढला असतानाच राज्यात वादळी पाऊस देखील दणका देत आहे. कमाल तापमानाचा पारा अनेक ठिकाणी ४२ अंशांच्या पार आहे. आज (ता. २०) मध्य महाराष्ट्र, मराठवाडा आणि विदर्भात वादळी वारे, विजांसह पावसाचा इशारा (येलो अलर्ट) हवामान विभागाने दिला आहे. उन्हाचा चटका कायम राहण्याची शक्यता आहे.

मराठवाडा आणि परिसरावर समुद्रसपाटीपासून ९०० मीटर उंचीवर चक्राकार वाऱ्यांची स्थिती आहे. त्यापासून कर्नाटक, दक्षिण तमिळनाडूपर्यंत वाऱ्यांचे प्रवाह खंडित झाल्याने कमी दाबाचा पट्टा सक्रिय आहे.

यामुळे राज्यात पावसाला पोषक हवामान झाले आहे. आज (ता. २०) मध्य महाराष्ट्रातील धुळे, जळगाव, नाशिक, नगर, पुणे, सोलापूर, सांगली, मराठवाड्यातील धाराशिव, लातूर, नांदेड, विदर्भातील चंद्रपूर, गडचिरोली जिल्ह्यांत वादळी वारे, विजांसह पावसाचा इशारा देण्यात आला आहे.

शुक्रवारी (ता. १९) सकाळपर्यंतच्या २४ तासांमध्ये मालेगाव येथे राज्यातील उच्चांकी ४३.४ अंश सेल्सिअस तापमानाची नोंद झाली. तर मालेगाव, अकोला, जळगाव, चंद्रपूर, धुळे येथे तापमान ४३ अंशाच्या वर आहे. विदर्भ, मध्य महाराष्ट्र, मराठवाड्यात बऱ्याच ठिकाणी कमाल तापमानाचा पारा पुन्हा ४२ अंशांपार पोचला आहे. आज (ता. ३०) राज्यात ढगाळ हवामानासह उन्हाचा चटका, उकाडा कायम राहण्याची शक्यता आहे.

शुक्रवारी (ता. १९) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :

पुणे ४१.०, धुळे ४३.०, जळगाव ४३.२, कोल्हापूर ३८.७, महाबळेश्वर ३३.२, मालेगाव ४३.४, नाशिक ४०.७, निफाड ४०.२, सांगली ३८.६, सातारा ३९.२, सोलापूर ४२.०, सांताक्रूझ ३४.४, डहाणू ३५.०, रत्नागिरी ३३.६,

छत्रपती संभाजीनगर ४२.२, धाराशिव ४१.२, परभणी ४२.५, अकोला ४३.३, अमरावती ४२.०, बुलडाणा ४१.२, ब्रह्मपुरी ४२.२, चंद्रपूर ४३.२, गडचिरोली ४१.८, गोंदिया ४०.२, नागपूर ४०.६, वर्धा ४१.५, वाशीम ४१.४, यवतमाळ ४२.०.

वादळी पावसाचा इशारा (येलो अलर्ट) :

धुळे, जळगाव, नाशिक, नगर, पुणे, सोलापूर, सांगली, धाराशिव, लातूर, नांदेड, चंद्रपूर, गडचिरोली.

४२ अंशांपेक्षा अधिक कमाल तापमान असलेली ठिकाणे :

मालेगाव ४३.४, अकोला ४३.३, जळगाव ४३.२, चंद्रपूर ४३.२, धुळे ४३.०, छत्रपती परभणी ४२.५, संभाजीनगर ४२.२, ब्रह्मपुरी ४२.२, सोलापूर ४२, अमरावती ४२, यवतमाळ ४२.