Maharashtra Rain : राज्यातील हवामान पुढील ५ दिवस कसे असेल ? केरळ आणि तमिळनाडूत काही भागात जोरदार पावसाचा अंदाज

Pune News : उत्तर भारतात थंडी कायम आहे. पण राज्यातील सरासरी तापमान काहीसे अधिक दिसते. तर राज्यातील तापमान पुढील पाच दिवस कोरडे राहण्याचा अंदाज हवामान विभागाने दिला. तर केरळ आणि तमिळनाडूत काही भागात पावसाचा अंदाज आहे.

डिसेंबरच्या पहिल्या आठवड्यात राज्यातील अनेक भागात पाऊस पडल्यानंतर मागील काही दिवसांपासून वातावरण कोरडे आहे. तापमानात काहीसे चढ उतार होत असले तरी थंडीचा कडाका असून जाणवत नाही.

सरासरी तापमान अद्यापही जास्तच असल्याचे हवामानाच्या नोंदीवरून स्पष्ट होते. राज्यातील बहुतांशी भागात सकाळी काहीशी थंडी जाणवत आहे. पण कडाक्याच्या थंडीसाठी आणखी काही दिवस वाट पाहावी लागू शकते. पुढील पाचही दिवस राज्यातील हवामान कोरडे राहण्याचा अंदाज हवामान विभागाने दिला.

उत्तर भारतात मागील काही दिवसांपासून किमान तापमानात चांगलीच घट झाली आहे. किमान तापमान ५ अंंश सेल्सिअस ते १० अंश सेल्सिअसच्या दरम्यान आहे. पंजाब, हरियाना, चंदीगड, दिल्ली, उत्तर राजस्थान आणि उत्तर प्रदेशातील अनेक भागात हे तापमान दिसत आहे.

नैऋत्य अरबी समुद्र आणि शेजारच्या भागात चक्राकार व्याऱ्याची स्थिती निर्णाण झाली आहे. तर तमिळनाडू आणि केरळच्या काही भागात १६ आणि १७ डिसेंबर रोजी पावसाचा अंदाज हवामान विभागाने दिला.