Rain ForecastAgrowon

Maharashtra Rain: कोकण, घाटमाथ्यावर जोरदार सरी शक्य

Heavy Rain Alert: राज्यात पाऊस ओसरल्याने कमाल तापमानात वाढ होत पारा तिशीपार गेला आहे. आज (ता. १३) कोकण, घाटमाथ्यावर जोरदार सरींची शक्यता आहे.

Published on:

13 Jul 2025, 6:00 am IST

Pune News: राज्यात पाऊस ओसरल्याने कमाल तापमानात वाढ होत पारा तिशीपार गेला आहे. आज (ता. १३) कोकण, घाटमाथ्यावर जोरदार सरींची शक्यता आहे. तर उत्तर महाराष्ट्र आणि विदर्भात तुरळक ठिकाणी विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे.

‎‎ईशान्य मध्य प्रदेश आणि परिसरावर समुद्रसपाटीपासून ५.८ किलोमीटर उंचीपर्यंत चक्राकार वारे वाहत आहेत. मॉन्सूनचा आस असलेला कमी दाबाचा पट्टा राजस्थानच्या सुरतगडपासून, सिकार, ग्वाल्हेर, दाल्तोंगज ते ईशान्य बंगालच्या उपसागरापर्यंत सक्रिय आहे. उत्तर हरियाना ते ईशान्य बंगालच्या उपसागरापर्यंत हवेचा आणखी एक कमी दाबाचा पट्टा सक्रिय आहे.

Monsoon Rain Forecast: राज्यात काही ठिकाणी मुसळधारेचा अंदाज; सोमवारपासून विदर्भात पावसाची उघडीप राहण्याची शक्यता

‎‎राज्यात पाऊस ओसरला असून, ऊन-सावल्यांचा खेळ सुरू आहे. पावसाने उघडीप देताच राज्यात अनेक ठिकाणी कमाल तापमानाचा पारा तिशीपार गेला आहे. जेऊर आणि चंद्रपूर येथे राज्यातील उच्चांकी ३४ अंश तापमानाची नोंदले गेले. ‎‎आज (ता. १३) रत्नागिरी, पुणे घाटमाथा, सातारा घाटमाथा आणि कोल्हापूर घाटमाथ्यावर जोरदार पावसाची शक्यता असल्याने, तसेच धुळे, नंदुरबार, नाशिकचा घाटमाथा, अमरावती, नागपूर, भंडारा, गोंदिया, चंद्रपूर जिल्ह्यांत विजांसह पावसाची शक्यता असल्याने सतर्कतेचा इशारा (येलो अलर्ट) हवामान विभागाने दिला आहे. उर्वरित राज्यात मुख्यतः पावसाच्या उघडिपीसह हलक्या सरींची शक्यता वर्तविण्यात आली आहे.

‎शनिवारी (ता. १२) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२९.८---२२.७

‎अहिल्यानगर---३०.२---२२.६

‎धुळे---३२.०---२०.५

‎जळगाव---३३.८---२४.०

‎जेऊर---३४.०---१९.५

‎कोल्हापूर---२८.१---२२.७

‎महाबळेश्‍वर---२०.३---१७.७

Monsoon Rain: कोकणातील काही भागात जोरदार पावसाची शक्यता

‎मालेगाव---३१.४---२१.६

‎नाशिक---२८.८---२२.६