Maharashtra Rain Alert : आज आणि उद्या मुसळधारेचा अंदाज; राज्यातील बहुतांशी भागात जोरदार पावसाची शक्यता

Pune News : राज्यातील अनेक भागात मागील दोन दिवस जोरदार पावसाने हजेरी लावली. आजही अनेक भागात पावसाचा अंदाज आहे. तर उद्यापासून राज्यातील काही भागात पावसाचा जोर कमी होऊन शनिवारपासून पाऊस उघडीप देण्याची शक्यता आहे. तर माॅन्सूनचा परतीचा प्रवास आजही थबकलेला होता. 

माॅन्सूनने २३ सप्टेंबरला राजस्थान आणि गुजरातमधून माघार घेतली होती. तर २४ नोव्हेंबरलाही आणखी काही भागातून माॅन्सून परतला होता. मात्र २५ सप्टेंबर आणि आज म्हणजेच २६ सप्टेंबरला माॅन्सूनचा प्रवास थबकला होता. आजही माॅन्सून एकाच जागेवर होता. 

हवामान विभागाने आज राज्यातील अनेक भागात जोरदार पावसाचा अंदाज दिला. हवामान विभागाने आज पालघर आणि नाशिक जिल्ह्यात काही ठिकाणी अतिजोरदार पावसाचा रेड अलर्ट हवामान विभागाने दिला.

तसेच धुळे, नंदूरबार, पुणे, रायगड आणि ठाणे जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट हवामान विभागाने दिला. तसेच कोकणातील सिंधुदूर्ग आणि रत्नागिरी जिल्ह्यात तसेच मध्य महाराष्ट्रातील कोल्हापूर, सातारा, नगर आणि सोलापूर जिल्ह्यात काही ठिकाणी जोरदार पावसाचा येलो अलर्ट दिला. 

तर मराठवाड्यातील छत्रपती संभाजीगर, जालना, परभणी, हिंगोली आणि धाराशिव जिल्ह्यात काही ठिकाणी जोरदार पावसाचा येलो अलर्ट दिला. तसेच विदर्भातील बुलडाणा, अकोला, अमरावती, वाशीम, यवमाळ, वर्धा, नागपूर, भंडारा, गोंदीया, चंद्रपूर आणि गडचिरोली जिल्ह्यात काही ठिकाणी जोरदार पावसाचा अंदाज हवामान विभागाने दिला होता. 

उद्या म्हणजेच शुक्रवारी हवामान विभागाने छत्रपती संभाजीनगर, नाशिक, पालघर, धुळे आणि नंदूरबार जिल्ह्यात काही ठिकाणी जोरदार ते अतिजोरदार पावसाचा ऑरेंज अलर्ट हवामान विभागाने दिला.

तसेच कोकणातील रायगड, रत्नागिरी आणि ठाणे, मध्य महाराष्ट्रातील पुणे, सातारा आणि जळगाव जिल्ह्यात तसेच विदर्भातील बुलडाणा, अकोला, अमरावती, वाशीम, यवमाळ, वर्धा, नागपूर, भंडारा, गोंदीया, चंद्रपूर आणि गडचिरोली जिल्ह्यात काही ठिकाणी जोरदार पावसाचा येलो अलर्ट हवामान विभागाने दिला होता.