Maharashtra Rain : कोकण, विदर्भात तुरळक ठिकाणी जोरदार पाऊस

Monsoon Update : राज्यातील पावसाचा जोर कमीअधिक होत आहे. अनेक ठिकाणी ढगाळ वातावरण आहे. तर कोकणात पावसाची संततधार सुरू आहे.
Monsoon
MonsoonAgrowon

Pune News : राज्यातील पावसाचा जोर कमीअधिक होत आहे. अनेक ठिकाणी ढगाळ वातावरण आहे. तर कोकणात पावसाची संततधार सुरू आहे. शुक्रवारी (ता. ५) सिंधुदुर्गमधील आंबोली, तळकट मंडलात १०८.३ मिलिमीटर पाऊस पडल्याची नोंद झाली. घाटमाथा, खानदेशात तुरळक ठिकाणी हलका, तर विदर्भात तुरळक ठिकाणी जोरदार पाऊस पडला. या पावसामुळे पिके चांगलीच तरारली आहेत.

कोकणात ठाणे जिल्ह्यात पावसाचा जोर काहीसा कमी आहे. तर रायगड, रत्नागिरी, सिंधुदुर्ग, पालघर जिल्ह्यांत अनेक ठिकाणी मध्यम पाऊस पडला. सिंधुदुर्गमधील दोडामार्ग, सावंतवाडीत मुसळधारेने झोडपले आहे. कोयना, शिरगाव, ताम्हिणी, दावडी या घाटमाथ्यावर जोरदार सरी बरसल्या.

Monsoon
Monsoon Rain : राज्यात पाऊस वाढण्याचा अंदाज; राज्याच्या बहुतांशी भागात मध्यम ते जोरदार पावसाची शक्यता

तर पुणे, सातारा जिल्ह्यांच्या पश्चिम पट्ट्यांत काही ठिकाणी जोर अधिक होता. पुण्यातील माले मंडलात सर्वाधिक ९३.५ मिलिमीटर, तर मुठे ९३.३, वेल्हा ७०.५, पानशेत ४३ मिलिमीटर पाऊस पडला. साताऱ्यातील महाबळेश्‍वर मंडलात ६३ मिलिमीटर, तर तापोळा ४५, लामज ६१.३ मिलिमीटर पाऊस झाला.

Monsoon
Monsoon Rain : पुढील ५ दिवस पाऊस कसा राहणार ? पावसासाठी काही वातावरणीय प्रणाल्या पोषक ठरत असल्याचा अंदाज

कोल्हापुरातही काही ठिकाणी हलका पाऊस आहे. मराठवाड्यात पोषक स्थिती नसल्याने काहीशी उघडीप दिली आहे. हिंगोलीत हिरडव मंडलात ६१.८ मिलिमीटर पडला. तर परभणी परिसरात रिमझिम पाऊस आहे. विदर्भात अमरावती, यवतमाळ, नागपूर, भंडारा, गोंदिया जिल्ह्यांत काही ठिकाणी जोरदार पाऊस पडला. नागपुरात जोर काहीसा कमी आहे. या पावसामुळे शेतकऱ्यांना दिलासा मिळत आहे.

शुक्रवारचा पाऊस दृष्टिक्षेपात...

नागपूर, अमरावतीत भागात हलका पाऊस.

मराठवाड्यात ढगाळ वातावरण.

परभणी जिल्ह्यात तुरळक सरी.

पुणे, सातारा, कोल्हापूर जिल्ह्यांच्या पश्चिम भागांत हलका ते मध्यम पाऊस.

खानदेशात पावसाची प्रतीक्षा.

कोकणात हलक्या सरी सुरूच.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com