Weather News : किमान तापमानात चढ-उतार शक्य

Weather : पुणे : किमान तापमानात वाढ झाल्याने राज्यात गारठा काहीसा कमी झाला आहे. उत्तर महाराष्ट्रात मात्र गारठा कायम असल्याचे चित्र आहे. आज (ता. १) राज्याच्या किमान तापमानात चढ- उतार होण्याची शक्यता हवामान विभागाने वर्तविली आहे. निफाड येथील गहू संशोधन केंद्रात राज्यातील नीचांकी ९.५ अंश सेल्सिअस तापमानाची नोंद झाली आहे.

उत्तर भारतात थंडी ओसरली असून, बुधवारी (ता. ३१) उत्तर प्रदेशातील नजीबाबाद यथे देशाच्या सपाट भूभागावरील नीचांकी ७.० अंश सेल्सिअस तापमान नोंदले गेले. पंजाब, हरियाना, चंदीगड, दिल्ली, उत्तर प्रदेश, बिहार, झारखंडमध्ये किमान तापमान ७ ते १२ अंशांदरम्यान आहे. उत्तर भारतात धुके, थंडीची लाट, थंड दिवस ही स्थिती निवळली असली तरी, काश्मीर, हिमाचल प्रदेश आणि उत्तराखंडमध्ये हिमवर्षा होण्याची शक्यता आहे.

राज्याच्या तापमानात वाढ झाली असून, उत्तर महाराष्ट्रात थंडी कायम आहे. बुधवारी (ता. ३१) निफाड वगळता उर्वरित राज्यात किमान तापमानाचा पारा १० अंशांच्या वर सरकला आहे. किमान तापमानाचा पारा ११ ते २० अंशांच्या दरम्यान आहे. आज (ता. १) किमान तापमानात चढ-उतार होण्याची शक्यता हवामान विभागाने वर्तविला आहे.

बुधवारी (ता. ३१) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे ३१.८ (१३.८), धुळे २९.५ (११.०), जळगाव ३२.२ (१०.४), कोल्हापूर ३१.२ (१७.२), महाबळेश्वर २६.० (१३.६), मालेगाव २९.६ (१४.६), नाशिक ३०.५ (१३.७), निफाड २९.४ (९.५), सांगली ३१.५ (१७.२), सातारा ३१.७ (१५.०), सोलापूर ३३.६(१७.२), सांताक्रूझ ३१.५ (१९.५),

डहाणू २८.० (१६.५), रत्नागिरी ३२.८ (१७.८), छत्रपती संभाजीनगर २९.७ (१५.३), नांदेड ३०.२ (१८.२), परभणी ३१.१ (१६.०), अकोला ३१.४ (१६.०), अमरावती ३०.८ (१६.०), बुलडाणा ३०.२ (१६.०), ब्रह्मपुरी ३१.४ (१७.४), चंद्रपूर ३१.० (१५.८), गडचिरोली ३०.४ (१४.८), गोंदिया २९.२ (१५.२), नागपूर २९.५(१६.१), वर्धा ३१.०(१६.०), वाशीम ३२.२ (१४.४), यवतमाळ ३२.० (१५.५).