Maharashtra Monsoon Update : हिमालयाच्या पायथ्याकडे कायम असलेला मॉन्सूनचा आस, पावसासाठी पोषक प्रणालींच्या अभावामुळे राज्याच्या अनेक भागांत पावसाची दडी कायम आहे.
राज्यात पावसाला पोषक हवामान तयार होत असून, आज (ता. १४) कोकणात तुरळक ठिकाणी जोरदार पावसाची शक्यता आहे. उर्वरित राज्यात ढगाळ हवामानासह हलक्या पावसाचा अंदाज हवामान विभागाने वर्तविला आहे.
मॉन्सूनचा आस असलेला कमी दाबाचा पट्टा त्याच्या सर्वसाधारण स्थितीच्या उत्तरेकडे कायम असून, चार-ते पाच दिवसांत हा आस त्याच्या सर्वसाधारण स्थितीत येण्याची शक्यता आहे. मॉन्सूनचा आस गोरखपूर, दरभंगा, मालदा ते नागालँडपर्यंत सक्रिय आहे.
सिक्कीमपासून वायव्य बंगालच्या उपसागरापर्यंत असलेला कमी दाबाच्या पट्ट्याचे रूपांतर चक्राकार वाऱ्यात झाले आहे. वायव्य बंगालच्या उपसागरात ५.८ किलोमीटर उंचीवर चक्राकार वाऱ्यांची स्थिती आहे.
मॉन्सून कमजोर असला तरी तुरळक ठिकाणी हलक्या सरी हजेरी लावत आहेत. राज्याच्या अनेक भागांत मुख्यतः पावसाची उघडीप आहे.
ढगाळ हवामानामुळे उकाडाही जाणवत आहे. आज (ता. १४) कोकणातील ठाणे, रायगड, रत्नागिरी जिल्ह्यांत तुरळक ठिकाणी जोरदार पावसाची शक्यता आहे. तर उर्वरित राज्यात ढगाळ हवामानासह हलक्या पावसाचा अंदाज हवामान विभागाने वर्तविला आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
