Maharashtra Weather Update: राज्यात थंडी वाढण्याची शक्यता; राज्यातील अनेक भागात गारठा कायम

Pune News : उत्तर भारत आणि राज्यातील तापमानातील चढ उतार कायम आहेत. राज्यात किमान तापमानात घट झाल्याने गारठा वाढत आहे. असे असले तरी थंडी सरासरीपेक्षा कमीच आहे. राज्यातील किमान तापमानात घट पोषक स्थिती असल्याने थंडी वाढेल, असा अंदाज हवामान विभागाने दिला.

उत्तर भारतात थंडीतील चढ उतार कायम आहेत. एकामागोमाग येणाऱ्या पश्‍चिमी चक्रवातांमुळे उत्तर भारतात थंडी कमी जास्त होत आहे. आज पंजाबमधील अमृतसर येथे देशाच्या सपाट भूभागावरील नीचांकी ६.१ अंश सेल्सिअस तापमानाची नोंद झाली.

राजस्थान आणि परिसरावर चक्राकार वाऱ्यांची स्थिती कायम आहे. वायव्य भारतात १४५ नॉट्स वेगाने पश्‍चिमेकडील जोरदार वाऱ्यांचे झोत कायम आहेत. उत्तर भारतातील राज्यांमध्ये थंडीतील चढ उतार कायम राहील, असा अंदाज हवामान विभागाने दिला. 

राज्यातील अनेक भागात थंडीमध्ये काहीशी वाढ झाली आहे. सकाळी हवेतील गारवा वाढलेला आहे. मात्र दुपारी उन्हाचा चटकाही जाणवत आहे. आज राज्यातील अनेक भागात किमान तापमानात काहीशी वाढ झाली होती.

आज निफाड येथील गहू संशोधन केंद्रात ११ अंश सेल्सिअस तापमानाची नोंद झाली होती. राज्यातील बहुतांशी भागात किमान तापमान वाढले आहे. मात्र उद्यापासून किमान तापमानात घट होण्याची शक्यता आहे. त्यामुळे थंडी आणखी वाढू शकते, असा अंदाज हवामान विभागाने दिला.