Weather Update
Weather UpdateAgrowon

Weather Update : ढगाळ हवामानासह हलक्या पावसाचा अंदाज

Weather Forecast : विदर्भ, मराठवाड्यात पावसाला पोषक हवामान होत आहे. उद्यापासून (ता. ९) ढगाळ हवामानासह हलक्या पावसाचा अंदाज हवामान विभागाने वर्तविला आहे.
Published on

Pune News : राज्यात गारठा कमी होऊन, उन्हाचा चटका आणि उकाड्यातील वाढ होत आहे. अनेक ठिकाणी पारा ३५ अंशांच्या पार गेला आहे. तापमानातील वाढ कायम राहण्याबरोबरच, विदर्भ, मराठवाड्यात पावसाला पोषक हवामान होत आहे. उद्यापासून (ता. ९) ढगाळ हवामानासह हलक्या पावसाचा अंदाज हवामान विभागाने वर्तविला आहे.

उत्तर भारतात थंडीचा कडाका कमी-अधिक होत आहे. बुधवारी (ता. ७) हरियानातील कर्नाल यथे देशाच्या सपाट भूभागावरील नीचांकी ४.२ अंश सेल्सिअस तापमान नोंदले गेले. पंजाब, हरियाना, चंदीगड, उत्तराखंड, राजस्थानमध्ये किमान तापमान ४ ते ८ अंशांच्या दरम्यान आहे. यातच पूर्व विदर्भापासून तेलंगणा, कर्नाटक पर्यंत हवेचा कमी दाबाचा पट्टा कायम आहे. यामुळे विदर्भ आणि मराठवाड्यात पावसाला पोषक हवामान होत आहे.

Weather Update
Weather Update : उन्हाचा चटका अन् उकाड्यात वाढ कायम


राज्यात कमाल आणि किमान तापमानात वाढ झाली आहे. कमाल तापमानात वाढ झाल्याने सोलापूर येथे राज्यातील उच्चांकी ३७.२ अंश सेल्सिअस तापमान नोंदले गेले. पुणे, कोल्हापूर, सांगली, अकोला, वाशीम, यवतमाळ यथे पारा ३५ अंशांच्या वर आहे. किमान तापमानाचा पारा ११ ते २२ अंशांच्या दरम्यान असून, थंडी कमी झाली आहे. आज (ता. ८) तापमानातील वाढ कायम राहण्याची शक्यता आहे.

Weather Update
Rain Update : राज्यातील विविध भागात वाढतोय उन्हाचा चटका! राज्यात शुक्रवारपासून पावसाची शक्यता?

बुधवारी (ता. ७) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअसमध्ये) :
पुणे ३५.१ (१६.१), धुळे ३२ (११.५), जळगाव ३३.२ (१४.५), कोल्हापूर ३५.१ (२१), महाबळेश्‍वर २८.९ (१८.१), मालेगाव ३५.६ (१६.२), नाशिक ३२.९ (१४.८), निफाड ३२.२ (११.६), सांगली ३५.५ (२०.०), सातारा ३४.५ (१७.६), सोलापूर ३७.२(२०.९),

सांताक्रूझ ३३.५ (२१.१), डहाणू २९.४ (२०.४), रत्नागिरी ३३.८ (२१.१), छत्रपती संभाजीनगर ३३ (१७), नांदेड (१९.४), परभणी ३४.६ (१८.४), अकोला ३५.१ (१७.४), अमरावती ३३.४ (१७.५), बुलडाणा ३३ (१६.८), ब्रह्मपुरी ३४.५ (१८.४), चंद्रपूर ३३.८ (१७.६), गडचिरोली ३२ (१७), गोंदिया ३२.३ (१५.६), नागपूर ३४.२ (१८.६), वर्धा ३४.५ (१८), वाशीम ३५.२ (१६.४), यवतमाळ ३५ (१८.२).

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Agrowon - Agriculture News
agrowon.esakal.com