Biporjoy Cyclone : ‘बिपॉरजॉय’ आज गुजरातला धडकण्याची शक्यता

Monsoon News : रेड ‘अलर्ट’ जाहीर; वादळी पावसाचा इशारा
Biporjoy Cyclone
Biporjoy CycloneAgrowon
Published on
Updated on

Biporjoy : पुणे : अरबी समुद्रातील ‘बिपॉरजॉय’ (Biporjoy Cyclone) हे तीव्र झालेले चक्रीवादळ वेगाने गुजरातकडे झेपावत आहे. आज (ता. १५) सायंकाळपर्यंत ताशी १२५ ते १५० किलोमीटर वेगाने वाहणाऱ्या वाऱ्यासह ते गुजरात आणि पाकिस्तानच्या किनाऱ्यादरम्यान असलेल्या जखाऊ बंदराजवळ जमिनीवर येण्याची शक्यता आहे.

या वादळामुळे गुजरातला जोरदार पाऊस आणि वादळी वाऱ्याचा इशारा (रेड अलर्ट) हवामान विभागाने दिला आहे.

बुधवारी (ता.१४) ही प्रणाली गुजरातच्या जखाऊपासून २८० किलोमीटर पश्चिमेकडे, द्वारकेपासून २९० किलोमीटर, नालियापासून ३०० किलोमीटर नैर्ऋत्येकडे, पोरबंदरपासून ३५० किलोमीटर वायव्येकडे आणि पाकिस्तानच्या कराचीपासून ३४० किलोमीटर दक्षिणेकडे होती.

हे वादळ आज (ता. १५) सायंकाळपर्यंत गुजरातच्या मांडवी आणि पाकिस्तानच्या कराची दरम्यान असलेल्या गुजरातच्या जखाऊ बंदराजवळ किनारपट्टीला धडकण्याची शक्यता आहे.

Biporjoy Cyclone
Cyclone Mocha : ‘मोचा’ चक्रीवादळ आज धडकण्याची शक्यता

वादळामुळे अरबी समुद्र खवळला आहे. त्यामुळे गुजरात आणि महाराष्ट्राच्या किनाऱ्यावर उंच लाटा उसळत आहेत. समुद्राला भरती आल्याने पाण्याची पातळी वाढली आहे. किनारपट्टीवर ४५ ते ६५ किलोमीटर वेगाने जोरदार वारे वाहत आहेत.

या चक्रीवादळामुळे ईशान्य अरबी समुद्रात ताशी १४५ ते १७० किलोमीटर वेगाने वारे वाहत आहेत. आजपासून (ता.१४) कच्छ, द्वारका, पोरबंदर, जामनगर, राजकोट, जुनागढ आणि सौराष्ट्राच्या मोरबी जिल्ह्यात मुसळधार पावसाचा इशारा आहे.


Biporjoy Cyclone
Biporjoy Cyclone : ‘बिपॉरजॉय’ झेपावतंय गुजरातकडे

पिकांचे नुकसान होण्याची शक्यता
वादळामुळे किनाऱ्यावर २ ते ६ मीटर उंचीच्या लाटा उसळतील. सखल भागात पाणी भरण्याबरोबरच पिकांचे नुकसान होण्याची शक्यता आहे.

जोरदार वाऱ्यामुळे कच्ची पक्की घरे, विजांचे खांब, नारळ, आंब्यासारखी झाडे पडण्याची शक्यता आहे. रेल्वे, दूरसंचार, दळणवळणाच्या सुविधा देखील वादळामुळे प्रभावित होऊन जनजीवन विस्कळित होण्याचा इशारा देण्यात आला आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com