Soybean Rate: नाफेड, एनसीसीएफकडे सोळा लाख टन सोयाबीन शिल्लक

soybean stock report: मे महिन्यात बाजारात फक्त ६ लाख टन सोयाबीनची आवक झाली होती, तर एप्रिलमध्ये ती ५.५ लाख टन होती. संपूर्ण सोयाबीन हंगाम ऑक्टोबर ते सप्टेंबर असा असतो. त्यामुळे हंगामातील पहिले आठ महिने पूर्ण झाले असून, सोपाने आवक, गाळप, साठा आणि निर्यातीबाबतची माहिती स्पष्ट केली आहे. ऑक्टोबरपासून मे महिन्यापर्यंत देशातील बाजारात ८३ लाख टन सोयाबीनची आवक झाली होती. त्यापैकी हंगामातील एकूण ७९ लाख टन गाळपातून ६२ लाख टन सोयापेंड तयार झाला. यापैकी ४२ लाख टन देशांतर्गत वापरासाठी गेला आणि सुमारे १५ लाख टन पेंड निर्यात झाला. मात्र यंदाचा उत्पादन-वापर-निर्यातीचा आकडा गेल्यावर्षीच्या तुलनेत कमी असल्याचेही सोपाच्या अहवालात नमूद आहे.