Osmanabad News: रेशीम शेती (Silk Farming) करणाऱ्या जिल्ह्यातील शेतकऱ्यांना एकरी एक लाख रुपयांचे कर्ज (Crop Loan) देण्याबाबत बँकांनी सकारात्मकता दर्शविली आहे.
जिल्हाधिकारी डॉ. सचिन ओम्बासे (Collector Dr. Sachin Ombase) यांनी यामध्ये पुढाकार घेतला असून रेशीम शेतीला यामुळे चालना मिळणार आहे.
जिल्ह्यात रेशीम शेतीमध्ये शेतकरी मोठ्या प्रमाणात प्रयोग करीत आहेत. यातून शेतकऱ्यांना चांगला फायदा होत आहे.
यंदाच्या वर्षात जिल्ह्यातील १० हजार हेक्टर क्षेत्रावर रेशीम शेतीचे (Sericulture) उद्दीष्ठ ठेवले आहे. त्यासाठी जिल्ह्याचा रेशीम शेती विभाग तसेच जिल्हाधिकारी कार्यालयाताने तत्परता दाखविली आहे. दरम्यान यासाठी लागणारे आर्थिक पाठबळ शेतकऱ्यांना बँकांकडून मिळणार आहे.
सध्या अनेक शेतकरी एका एकरात वर्षाकाठी चार ते पाच लाख रुपयांचा नफा मिळतो. शेतकऱ्यांना शेड बांधकाम करावे लागते. त्यासाठी दिड लाख रुपयांचा खर्च येतो.
मात्र अनेक शेतकऱ्यांकडे पैसे नसतात. त्यामुळे शेड बांधकाम होत नाही. परिणामी रेशीम शेतीचे स्वप्न अधुरेच राहते.
याच हेतूने एकरी एक लाख रुपयांच्या कर्जाचा प्रस्ताव बँकांकडे ठेवण्यात आला होता. काही बँकांनी यामध्ये सकारात्मकता दाखविली आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
