Nanded News : नांदेड जिल्ह्यात महात्मा गांधी राष्ट्रीय रोजगार हमी योजनेतर्गत कृषी विभागाकडून २०२३-२४ मध्ये फळबाग लागवड योजना राबविण्यात येत आहे. यासाठी जिल्ह्याला सातशे हेक्टर फळबाग लागवडीचे लक्षांक देण्यात आले आहे. यात आजपर्यंत १४१.७८ हेक्टरवर लागवड झाल्याची माहिती कृषी विभागाच्या सूत्राने दिली.
नांदेड जिल्ह्यात रोहयो अंतर्गत विविध यंत्रणांकडे फळबाग लागवडीचे कामे सुरु आहेत. यात कृषी विभागाकडूनही शेतकऱ्यांच्या शेतात तसेच बांधावर विविध प्रकारची फळबाग लागवडीचे कामे केले जातात. यात शेतकऱ्यांना तीन वर्षापर्यंत अनुदान दिले जाते. सन २०२३-२०२४ या वर्षात जिल्ह्याला ७०० हेक्टरवर फळबाग लागवड करण्याचे लक्षांक प्राप्त झाले आहे.
यानुसार आजपर्यंत १४१.७८ हेक्टरवर फळबागेची लागवड झाली आहे. यात आंबा ७६ हेक्टर, सिताफळ १७.४० हेक्टर, पेरू ११.३५, निशिगंध १० हेक्टर, मोसंबी ६.७० हेक्टर, संत्रा ४.३५ हेक्टर, केळी ४.४० हेक्टर, गुलाब ४.७० हेक्टर, चिकू २.९० हेक्टरवर लागवड झाली आहे. दरम्यान रोजगार हमी योजनेतर्गत शेतकऱ्यांना लिंबू, आवळा, चिंच, जांभूळ या फळपिकांची लागवड करता येते. अशी माहिती माहिती कृषी विभागाच्या सूत्राने दिली.
मागीलवर्षी २८३ हेक्टरवर लागवड
जिल्ह्यात मागील वर्षी सन २०२२-२३ मध्ये १५९० हेक्टरवर फळबाग लागवडीचा नियोजन आराखडा मंजूर केला होता. या अंतर्गत जिल्ह्यातील ३५३ शेतकऱ्यांनी २८३ हेक्टरवर फळबागेची लागवड केली आहे.
यात सर्वाधीक आंबा फळपिकांची ११९ हेक्टरवर लागवड केली. तर सिताफळ ३४.६५ हेक्टर, पेरु ३१.९० हेक्टर, चिकू २५.४८ हेक्टर, मोसंबी २२.७० हेक्टर, कागदी लिंबू १८.६० हेक्टर, निशीगंध १०.५० हेक्टर, डाळींब ४.८० हेक्टर, नारळ चार हेक्टर, मोगरा चार हेक्टर, गुलाब ३.८०, तर संत्रा तीन हेक्टर असा एकूण २८३.६ हेक्टरवर फळबाग व फूलबाग लागवड झाली होती.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
