Ashadhi Ekadash : पंढरपूर आषाढी यात्रेसाठी विशेष ट्रेन! मध्यरेल्वेच्या ७६ फेऱ्या

Ashadhi Wari : पांडुरंगाच्या भेटीसाठी आस लागलेल्या लाखो वारकऱ्यांची पाऊले पंढरपूरच्या दिशेने जात आहेत. आषाढी वारीनिमित्त राज्यभरातील वारकऱ्यांसाठी विशेष ७६ रेल्वे गाड्या सोडण्यात येणार असल्याची घोषणा मध्य रेल्वेकडून करण्यात आली.

आषाढी एकादशीनिमित्त संतश्रेष्ठ ज्ञानेश्वर माऊली, जगद्गगुरु तुकाराम महाराज यांच्यासह विविध संताच्या दिंड्या मजलदरमजल करीत पंढरीच्या दिशेने जात आहेत. आषाढीनिमित्त वैष्णवांचा मेळा श्री क्षेत्र पंढरपूरमध्ये समजता. या यात्रेकरिता वारकऱ्यांसाठी मध्य रेल्वेकडून विशेष ७६ रेल्वे गाड्या सोडण्यात येणार आहेत. ही रेल्वे सेवा २३ जून ते ३ जुलै या कालावधीत सुरु राहणार आहे. त्यापैकी ५४ फेऱ्या मिरज - पंढरपूरदरम्यान व लातूर - पंढरपूर, खामगाव - पंढरपूर, अमरावती - पंढरपूर, नागपूर - पंढरपूर, भुसावळ - पंढरपूर दरम्यान उर्वरित २२ फेऱ्या होणार आहेत.

यामध्ये रेल्वे गाडी क्र. ०११४७ / ४८ पंढरपूर - मिरज विशेष रेल्वे दि. २४, २६, २७ जून, ०१ जुलै व ०३ जुलै रोजी १० फेऱ्या सुरू करण्यात येणार आहे. रेल्वे गाडी क्र. ०११०७/०८ मिरज - पंढरपूर रेल्वेच्या दि. २४ जून ते ०३ जुलै २०२३ पर्यंत २० फेऱ्या होणार आहेत. रेल्वे गाडी क्र. ०१२०९/१० मिरज - कुर्डुवाडीदरम्यान विशेष रेल्वेच्या दि. २४ जून ते ०३ जुलैपर्यंत २० फेऱ्या होणार आहेत. रेल्वे गाडी क्र. ०१२०५/०६ नागपूर - मिरज २५, २८ जून, २६ व २९ जून रोजी ४ फेऱ्या होणार आहेत. असा एकूण ५४ फेऱ्या करण्यात येणार आहेत.

रेल्वे क्रमांक ०१२०५/०१२०६ नागपुर ते मिरज साठी ( २+२ =४) फेऱ्या विशेष सेवेत हजर राहतील. नागपुर येथून सकाळी ९ वाजता रेल्वे निघेल आणि रात्री १२ वाजता मिरज स्थानकांवर पोहचेल. रेल्वे क्रमांक ०१२०७/०१२०८ नागपुर ते पंढरपुर अशी एक गाडी सोडण्यात येणार आहे. नागपुर स्थानकावरून ८.५० 0 ला निघेल आणि पंढरपुरला सांयकाळी ८ च्या दरम्यान पोहचेल. रेल्वे क्रमांक ०१११९/०११२० नवी अमरावती ते पंढरपुर पर्यंत अशी गाडी सोडण्यात येईल. दुपारी २.४० वाजता नवी अमरावती वरून निघेल तर रात्री ९ वाजता पंढरपुर स्थानकावर सोडेल. खामगावपासून सकाळी ११ वाजता निघेल तर पहाटे ३.३० वाजता पोहचेल.