माधबी पुरी बुच सेबीच्या पहिल्या महिला अध्यक्ष

माधबी पुरी बुच यांची सेबीच्या (Securities and Exchange Board of India) अध्यक्षपदी तीन वर्षांच्या कार्यकाळासाठी नियुक्ती करण्यात आली आहे. पुरी सेबीच्या पहिल्या महिला अध्यक्ष असतील. देशातील भांडवली आणि कमोडिटी बाजाराचे नियमन करण्याचे काम सेबी करत असते. मावळते अध्यक्ष अजय त्यागी यांचा कार्यकाळ काल 28 फेब्रुवारीला समाप्त झाला आहे.

हे देखील वाचा :  तिसऱ्या तिमाहीत GDP ची गाडी ५.४ टक्क्यांवर अडकली

पुरी याआधी सेबीच्या पूर्णवेळ सदस्य म्हणून काम पाहात होत्या. पुरी खाजगी क्षेत्रातून सेबीत येणाऱ्या पहिल्या व्यक्ती आहेत. आयसीआयसीआय बँकेतून आपल्या करिअरची सुरुवात करणाऱ्या पुरींनी आयसीआयसीआय सिक्युरिटिजचे सिइओ पदही भुषविले आहे.

हे देखील वाचा :  महिला कृषी उद्योजक, स्टार्ट अप्सनाही प्रोत्साहन

2011 मध्ये त्या ग्रेटर पॅसिफिक कॅपिटल या कंपनीत काम करण्यासाठी सिंगापूरला गेल्या होत्या. अजय त्यागी हेच सेबीचे काम पाहतील की नवीन अध्यक्ष मिळेल, असा प्रश्न उपस्थित केला जात होता. त्याचे उत्तर आता मिळाले आहे.

हा व्हिडिओ पाहिलात का? : 

सरकारच्या सांगण्यावरून सेबीने याआधी सोयाबीनसहित कित्येक शेतीमालाच्या वायद्यांवर बंदी आणली होती. आता नवीन अध्यक्ष मिळाल्याने धोरणांमध्ये बदल होणार का, हे पाहणे महत्त्वाचे ठरणार आहे.