कणेरी मठ येथे २१ पासून सेंद्रिय शेती कार्यशाळा

कोल्हापूर : कणेरी (ता. करवीर) येथील श्री सिद्धगिरी मठाच्या वतीने २१ ते २३ मार्च अखेर सेंद्रिय शेती कार्यशाळेचे आयोजन करण्यात आले आहे. या वेळी सेंद्रिय शेतीविषयक सर्व प्रकारचे मार्गदर्शन होणार आहे. मठप्रमुख काडसिद्धेश्‍वर स्वामी यांच्या प्रमुख उपस्थितीत अधीक्षक कृषी अधिकारी उमेश पाटील यांच्या हस्ते उद्‍घाटन होईल.   तीन दिवस चालणाऱ्य शिबिरात डॉ. एल. नारायण रेड्डी यांचे नत्र स्फुरद पालाश पीकसंजीवके कीटकनाशके या विषयावर, अशोक इंगवले यांचे आदर्श गोपालन, अमोल कोळी यांचे उन्हाळ्यासाठी चारानिर्मिती, मोहन मोहिते यांचे सेंद्रिय मिश्र फळबाग जोपासना, अरुण पाटील यांचे गायीचे व्यवस्थापन याविषयी मागदर्शन होइल. याशिवाय डॉ. नितीन मार्कंडेय, डॉ. एस. आर. राजुरकर, डॉ. आनंद देशपांडे हे तज्ज्ञ आयुर्वेदिक गो उपचार पद्धतीवर शेतकऱ्यांशी संवाद साधतील. कार्यशाळेत सहभागी होणाऱ्या शेतकऱ्यांसाठी निवास आणि शेतकऱ्यांनी शिबिराचा लाभ घ्यावा, यासाठी कणेरी मठाशी संपर्क साधण्याचे आवाहन मठाच्या वतीने करण्यात आले आहे.