कोरेगाव भीमाचा इतिहास पाठ्यपुस्तकात हवा : रामदास आठवले

पुणे : देशात समता प्रस्थापित झाली पाहिजे. दलित आणि सवर्ण यांच्यात एकजूट  झाल्यास देशाचा वेगाने विकास होईल. कोरेगाव भीमाच्या लढाईचा इतिहास शालेय अभ्यासक्रमाच्या पाठ्यपुस्तकात समाविष्ट करावा, या मागणीसाठी आपण शालेय शिक्षण मंत्र्यांना पत्र लिहिणार आहोत, अशी माहिती रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केले.   कोरेगाव भीमा येथे शौर्यदिनानिमित्त ऐतिहासिक विजयस्तंभाला अभिवादन केल्यानंतर प्रसार माध्यमांशी रामदास आठवले बोलत होते.    कोरेगाव भीमा येथील ऐतिहासिक विजय स्तंभाच्या परिसराचा विकास करण्याचा आराखडा माजी मुख्यमंत्री देवेंद्र फडणवीस यांच्या कार्यकाळात मंजूर झाला होता. त्यानुसार या परिसराचा विकास करावा, अशी मागणी रामदास आठवले यांनी केली आहे.  नवीन वर्षात रिपब्लिकन पक्ष मजबूत करणे हाच आमचा संकल्प असून, डॉ बाबासाहेब आंबेडकरांचा पक्ष; रिपब्लिकन पक्ष, या अर्थाने मी रिपब्लिकन ही आमची घोषणा आहे, असेही आठवले यांनी जाहीर केले. या वेळी रिपाइंचे कार्यकर्ते उपस्थित होते