Soybean Webinar : सोयाबीन क्षेत्रातील सुधारणा आणि व्यापारावर वेबिनार

Pune News : सोयाबीन क्षेत्रातील सुधारणा व्यापार तसेच सध्याचे हमीभाव धोरण आणि शेतकऱ्यांना होणारा फायदा, सोयाबीनविषयी सरकारचे धोरण याविषयी आज (ता.२४) वेबिनारचे आयोजन करण्यात आले आहे. 

इंडो सोया डेव्हलपमेंट असोसिएशनच्या वतीने आयोजित या वेबिनारमध्ये सोयाबीन प्रक्रिया उद्योगातील प्रतिनिधी तसेच कृषी संशोधक मार्गदर्शन करणार आहेत.

या वेबिनारमध्ये पतंजली फुड्स-रुची सोयाचे मुख्य कार्यकारी अधिकारी संजिव अस्थाना हे खासजी क्षेत्राची सोयाबीन उत्पादकांच्या अर्थकारणातील सहभाग तसेच सोयाबीन मूल्यसाखळीतील घटकांच्या फायदेशीर सहभागातील भुमिका या विषयावर मार्गदर्शन करणार आहेत.

तर आयआयएम बॅंगलोरचे प्रा. गोपाल नाईक हे सोयाबीन भावातील स्थिरता आणि सोयाबीन उत्पादनात शेतकरी टिकून राहण्यासाठी उपाययोजना या विषयावर मार्गदर्शन करणार आहेत. 

व्हॅमनिकाॅम येथील प्राध्यापक संगिता श्राॅफ या सोयाबीन क्षत्रातील सुधारणा आणि व्यापार या विषायावर मार्गदर्शन आहेत. भारतीय कृषिक समाजाचे राष्ट्रीय अध्यक्ष क्रिष्ण बीर चौधरी हे सध्याचे हमीभाव धोरण आणि सोयाबीन उत्पादकांना आधार देण्यातील भुमिका यावर मार्दर्शन करणार आहेत. तसेच स्मार्ट प्रकाल्पाचे प्रकल्प संचालक हेमंत वसेकर हेही मार्गदर्शन करणार आहेत. शेतकऱ्यांनी या वेबिनारमध्ये सहभागी होण्याचे आवाहन करण्यात आले आहे.