Maharashtra Watermelon Market: खानदेशात कलिंगडाची आवक कमी होत असल्याने जागेवर किंवा शिवार खरेदीत प्रति किलो १२ ते १४ रुपये दर मिळत आहे. खानदेशात यंदा कलिंगडाची लागवड वाढली होती. ही लागवड सुमारे आठ हजार हेक्टरवर झाली होती. जळगाव जिल्ह्यातील लागवड सुमारे साडेचार हजार हेक्टर एवढी होती..तसेच धुळे व नंदुरबारातही लागवडीत मोठी वाढ यंदा झाली होती. जळगाव जिल्ह्यात चोपडा, यावल, जामनेर, रावेर, जळगाव भागांत अधिकची लागवड झाली होती. धुळ्यात शिरपूर, धुळे आणि नंदुरबारात शहादा, तळोदा, अक्कलकुवा भागांत अधिकची लागवड झाली होती..Watermelon Sales Decline: टरबूज विक्रीवर मुंबईतील घटनेचे सावट.कलिंगडाची काढणी खानदेशात जानेवारीत सुरू झाली. जानेवारीत दर बऱ्यापैकी होते. मार्चमध्ये दर कमी झाले. रमजानच्या काळातही दर कमी होते. प्रति किलो दोन ते तीन रुपये दर जागेवरच शेतकऱ्यांना मिळत होते. एप्रिलमध्ये काढणीचा हंगाम वेगात सुरू होता. मात्र, या काळात मागणी कमी होत गेली. खानदेशातून गुजरातमधील अहमदाबाद, सुरत, मध्य प्रदेशातील इंदूर, बऱ्हाणपूर यासोबत उत्तर भारतातही कलिंगडाची पाठवणूक सुरू होती. मागणी बऱ्यापैकी होती..Watermelon Price Drop: कलिंगडाचे दर कोसळले.परराज्यातील कमी मागणी व युद्ध सुरू असल्याने दरांवर दबाव वाढू लागला. एप्रिलच्या मध्यात दर जागेवर प्रति किलो पाच ते सहा रुपये, असे झाले. तर अखेरीस दर सहा ते सात रुपये प्रति किलो झाले..आवक अल्पगेल्या आठ ते १० दिवसांपासून दरात सुधारणा दिसत आहे. सध्या प्रति किलो १२ ते १४ रुपये दर जागेवर शेतकऱ्यांना मिळत आहेत. कलिंगडाची आवक जळगाव जिल्ह्यातील चोपडा, रावेर, यावल, जामनेरात बऱ्यापैकी होती. धुळ्यातील शिरपुरातही चांगली आवक होती. मार्च, एप्रिलमध्ये प्रति दिन सरासरी ७० ट्रक (एक ट्रक १६ टन क्षमता) कलिंगडाची आवक झाली. सध्या पाच-सहा ट्रक एवढी आवक जळगाव, धुळ्यात रोज होत आहे. आवक कमी असल्याने दरात सुधारणा झाली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
