Nagpur News : भारतातील मांस उद्योगाची उलाढाल तब्बल साडेचार लाख कोटीवर असून तब्बल ३७ हजार कोटी रुपयांची मांस निर्यात देशातून होते. त्यामुळेच मांस उत्पादन आणि निर्यातीत भारताचे स्थान जगात पाचव्या क्रमांकावर असल्याची माहिती हैदराबाद येथील केंद्रीय मांस संशोधन संस्थेचे संचालक डॉ. एस.बी. बारबुद्धे यांनी दिली.
नागपूर दौऱ्यावर असताना डॉ. एस. बी. बारबुद्धे यांनी याविषयी माहिती दिली त्यानुसार, २०२० या वर्षातील नॅशनल फॅमिली हेल्थ सर्व्हेनुसार भारतात मांस खाणाऱ्यांची संख्या एकूण लोकसंख्येच्या ७१ टक्‍के आहे. मांस आणि मासोळी खाणाऱ्यांची संख्या मिळून हे प्रमाण ७७ टक्‍केपर्यंत जाते. परिणामी देशात पशुपालनातून आर्थिक सक्षमतेचाही उद्देश साधला जात आहे.
परसबागेतील कुक्‍कुटपालन ४६ टक्क्यांपर्यंत वाढले आहे. मांसाला मागणी असल्यामुळे या उद्योगाच्या कामी येणाऱ्या उत्पन्नक्षम अशा पशूंच्या संगोपनावर भर दिला जात असल्याचे निरीक्षण आहे. या सर्व कारणामुळे भारताच्या मांस उद्योगालाही सुगीचे दिवस आले आहेत. अपेडाकडून मिळालेल्या प्राप्त माहितीनुसार, मांस उत्पादन, निर्यात आणि वापर या क्षेत्रात जागतिक क्रमवारीत भाजप पाचव्या क्रमांकावर आहे.
या यादीत ब्राझील पहिल्या, तर ऑस्ट्रेलिया दुसऱ्या क्रमांकावर आहेत. पाचव्या क्रमांकावर असलेल्या भारताची वार्षिक मांस उलाढाल साडेचार लाख कोटी रुपये इतकी आहे. भारतातून एकूण ३७ हजार कोटी रुपयांच्या मांसाची निर्यात होते; त्यामध्ये ३१ हजार कोटी रुपये किमतीचे मांस हे केवळ म्हशीचे असते, असेही डॉ. बारबुद्धे यांनी सांगितले.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.