Soybean Market : हिंगोलीत सोयाबीनच्या दरात किंचित चढ-उतार

Soybean Rate : हिंगोली कृषी उत्पन्न बाजार समिती अंतर्गत धान्यबाजारात दरात मागील काही आठवड्यांपासून किंचित चढ-उतार होत आहेत.
Soybean Market
Soybean MarketAgrowon

Hingoli News : हिंगोली कृषी उत्पन्न बाजार समिती अंतर्गत धान्यबाजारात दरात मागील काही आठवड्यांपासून किंचित चढ-उतार होत आहेत. मंगळवारी (ता. ९) सोयाबीनची ६०० क्विंटल आवक झाली. त्यास प्रतिक्विंटल किमान ४०५० ते कमाल ४४०० रुपये तर सरासरी ४२२५ रुपये दर मिळाले.

दरात फारशी सुधारणा होत नसल्याने येथील धान्य बाजारात सोयाबीनची आवक कमी-अधिक होत आहे. मागील आठवड्यामध्ये ६५५ ते १००० क्विंटल सोयाबीनची आवक झाली. क्विंटल मागे १०० ते १५० रुपयांनी चढउतार होत आहेत.

Soybean Market
Soybean Rate: सोयाबीन आणि सोयापेंडच्या वायद्यांमध्ये काहीशी वाढ

दरवाढीच्या अपेक्षेने अनेक शेतकऱ्यांनी सोयाबीन साठवून ठेवलेले आहे. परंतु अनेक आठवड्यापासून सोयाबीनचे कमाल दर साडेचार हजार रुपयापर्यंत तर किमान दर चार हजार रुपयापर्यंत असल्याने सोयाबीन उत्पादकांत निराशेचे वातावरण आहे.

Soybean Market
Soybean Sowing : सोयाबीनचा ४ लाख ४७ हजारांवर हेक्टरवर पेरा

दर साडेचार हजारांपुढे सरकेना

सोमवारी (ता.८) सोयाबीनची ८११ क्विंटल आवक होऊन प्रतिक्विंटल किमान ४१४० ते कमाल ४५०० रुपये तर सरासरी ४३२० रुपये दर मिळाले. गुरुवारी (ता.४) सोयाबीनची ५९९ क्विंटल आवक झाली.

त्यास प्रतिक्विंटल किमान ४००० ते कमाल ४४८१ रुपये तर सरासरी ४२४० रुपये दर मिळाले. बुधवारी (ता.३) सोयाबीनची ६५५ क्विंटल आवक असताना प्रतिक्विंटल किमान ४०५१ ते कमाल ४४८५ रुपये तर सरासरी ४२६८ रुपये दर मिळाले. मंगळवारी (ता.२) सोयाबीनची १००० क्विंटल आवक झाली. त्यावेळी प्रतिक्विंटल किमान ४१०५ ते कमाल ४५०० रुपये तर सरासरी ४३०२ रुपये दर मिळाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com