Nanded News: नांदेड कृषी उत्पन्न बाजार समिती येथील नवा मोंढा बाजारात सोमवारी (ता. १६) विविध शेतीमालाच्या दरात स्थिरता दिसून आली, तर सोयाबीनच्या दरात मात्र घसरण झाल्याचे दिसून आले. कडधान्य व मसाला पिकांमध्ये दर कायम असल्याने शेतकऱ्यांना काही प्रमाणात दिलासा मिळत आहे. .नांदेड कृषी उत्पन्न बाजार समितीच्या नवा मोंढा बाजारात सध्या सोयाबीनच्या दरात घसरण सुरू आहे. सोमवारी सोयाबीनला कमाल ५३००, किमान ४९०० व सरासरी ५११५ रुपये दर मिळाला. धान्य पिकांमध्ये गव्हाला कमाल, किमान व सरासरी असा समान २७०० रुपये प्रति क्विंटलला दर मिळाला. ज्वारीलाही ३०९० रुपये असा एकसमान दर नोंदवला गेला. धान्याच्या दरात मोठी चढ-उतार नसून बाजार स्थिर असल्याचे चित्र आहे. .Soybean Market: सोयाबीनचे ३२८ कोटी ६२ लाख रुपयांचे चुकारे अदा .कडधान्य पिकांमध्ये तूर (नॉन एफएक्यू) पिकाला चांगला दर मिळाला. तुरीचा कमाल दर ७५२५ रुपये, किमान ६८०० रुपये, तर सरासरी ७१६५ रुपये नोंदविला गेला. हरभऱ्यासाठी (नॉन एफएक्यू) कमाल ५२२०, किमान ५०४० आणि सरासरी ५१५० रुपये दर मिळाल्याने कडधान्य बाजारात व्यवहार झाल्याचे दिसून आले. .Soybean Production: सोयाबीन उत्पादन वाढीसाठी तंत्रज्ञानाचा देवाण घेवाण करार.मसाला पिकांमध्ये हळदीला सर्वाधिक दर मिळाले. हळद काडी प्रकाराला कमाल १४,६९० रुपये, किमान ११,३२० रुपये, तर सरासरी १४,१९५ रुपये दर मिळाला. हळद गोळा प्रकाराचा कमाल दर १३ हजार ९०५, किमान १० हजार ७०० व सरासरी १२ हजार रुपये नोंदवला गेला. तुकडा हळदीला कमाल, किमान व सरासरी असा समान ९ हजार रुपये दर मिळाला. .हळदीच्या दरात टिकून असलेली मजबुती ही मसाला बाजारासाठी सकारात्मक मानली जात आहे. बाजार समितीतील व्यापाऱ्यांच्या माहितीनुसार, दर्जेदार व स्वच्छ मालाला तुलनेने अधिक दर मिळत असून शेतकऱ्यांनी माल विक्रीपूर्वी वर्गीकरण व स्वच्छता केल्यास दरात अधिक फायदा होऊ शकतो. आगामी काही दिवसांत आवक वाढल्यास दरात किरकोळ चढ-उतार होण्याची शक्यता व्यक्त करण्यात येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.