Market Bulletin: केळीला उठावदेशात सध्या नवरात्रीमुळे केळीला उठाव मिळत आहे. तर दुसरीकडे केळीची बाजारातील आवक मर्यादीतच दिसत आहे. काही बाजारांमध्ये केळीची आवक काहीशी वाढली. मात्र केळीच्या पुरवठ्यावर सातत्याने पावसाचा परिणाम दिसून येत आहे. केळीचे दर गुणवत्तेनुसार प्रतिक्विंटल सरासरी १ हजार ४०० ते १ हजार ७०० रुपयांच्या दरम्यान आहेत. केळी पिकाचे राज्यात काही ठिाकणी नुकसान झाले आहे. त्यामुळे दर्जेदार केळीची बाजारातील आवक कमी आहे. या केळीचे दर पुढील काळातही टिकून राहू शकतात, असा अंदाज केळी बाजारातील अभ्यासकांनी व्यक्त केला. .कोथिंबरच्या दरात सुधारणाकोथिंबीर पिकाला राज्यातील बहुतांशी भागात पावसाचा फटका बसला. त्यामुळे पिकाचे नुकसान झाला याचा परिणाम बाजारातील आवकेवर होत आहे, असे व्यापारी सांगत आहेत. सध्या राज्यातील बहुतांशी बाजारांमध्ये कोथिंबीरची आवक कमीच आहे. तर कोथिंबीरला मागणी आहे. त्यामुळे दरातही सुधारणा दिसून येत आहे. कोथिंबीरला सध्या सरासरी क्विंटलला ६ हजार ते ६ हजार ५०० रुपये दर मिळत आहे. तर प्रतिजुडी ७ ते ९ रुपये दर मिळत आहे. कोथिंबीर पिकाचे नुकसान झाल्याने पुढील काही आठवडे बाजारातील आवक कमीच राहण्याची शक्यता असल्याचे व्यापारी सांगत आहेत..Soybean Rate: दर्यापूरमध्ये नव्या सोयाबीनला ३७५० रुपये क्लिंटलला भाव .गवारचे दर तेजीतचराज्यातील बाजारात गवारचे दर तेजीतच आहेत. बाजारातील गवारची आवक मागील काही महिन्यांपासून कमीच आहे. तर दुसरीकडे गवारला उठाव चांगला आहे. यामुळे दरातील तेजी कायम आहे. सध्या गवार ७ हजार ते ८ हजार रुपये प्रतिक्विंटलच्या दरम्यान विकली जात आहे. गवार पिकालाही इतर भाजीपाल्याप्रमाणे पावसाचा जोरदार दणका बसला. अनेक भागात पीक हातचे गेले. त्यामुळे पुढील काही आठवडे गवारचे पीक बाजारात कमीच येण्याची शक्यता आहे. यामुळे दरही टिकून राहू शकतात, असा अंदाज गवार बाजारातील अभ्यासकांनी व्यक्त केला..Agrowon Podcast: सोयाबीन दर सुधारले; वांगी स्थिर, शेवगा दर वाढला, ज्वारी दबावात, मुग मंदीवर कायम.गव्हाचे भाव स्थिरचदेशातील बाजारात गव्हाचे दर स्थिरच आहेत. बाजारातील आवक सध्या कमी आहे. मात्र सरकारने गहू बाजारावर बंधने घातली आहे. सरकारकडेही गव्हाचा स्टाॅक आहे. भाव वाढल्यानंतर सरकार हा स्टाॅक बाजारात विकण्याची शक्यता आहे. त्यामुळे दर स्थिरावले आहेत. सध्या गव्हाला बाजारात प्रतिक्विंटल सरासरी २ हजार ६०० ते २९०० रुपयांच्या दरम्यान दर मिळत आहे. पुढील काळातही बाजारातील गव्हाची आवक मर्यादीतच राहण्याची शक्यता आहे. पण गव्हाच्या दरात काहीसे चढ उतारच दिसतील, असा अंदाज अभ्यासकांनी व्यक्त केला..पेरुची आवक घटलीबाजारात सध्या पेरुची आवक कमी झाली आहे. पेरु पिकाला पावसाचा जोरदार दणका बसला. त्यामुळे पिकाचे नुकसानही होत आहे. सततच्या पावसाने गुणवत्ताही कमी झाली. परिणामी बाजारात गुवत्तापूर्ण पेरूची आवक कमीच आहे. दुसरीकडे आवक कमी असली तरी पावसामुळे मागणीही कमी येत असल्याचे व्यापारी सांगत आहेत. सध्या बाजारात पेरू २ हजार ५०० ते ३ हजार रुपये प्रतिक्विंटलच्या दरम्यान विकला जात आहे. पेरु पिकाचे नुकसान झाल्याने बाजारातील आवक पुढील काही आठवडे कमीच राहण्याची शक्यता आहे. याामुळे दरही टिकून राहू शकतात,असा अंदाज व्यापारी आणि जाणकारांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
