Market Bulletin: कांदा भाव दबावातचदेशातील बाजारात कांद्याचे भाव दबावातच आहेत. कांद्याच्या भावात मागील काही दिवसांपासून चढ उतार सुरु आहेत. आज कांद्याचा भाव अनेक बाजारात ११०० ते १३०० रुपयांच्या दरम्यान होते. कांद्याचे भाव काहीसे नरमले होते. बाजारातील कांद्याची आवक कायम आहे. दर कमी झाल्यामुळे शेतकरी मात्र अडणीत आले आहेत. यंदा रब्बी कांदा बाजारात आल्यापासून दरावर दबाव आहे. पावसाचाही परिणाम कांदा गुणवत्तेवर होत आहे. त्यामुळे अनेक शेतकऱ्यांना कांदा विकावा लागत आहे. नाफेड आणि एनसीसीएफच्या खेरदीमुळेही दर पडत असल्याचे शेतकरी सांगत आहेत. .हळदीचे दर स्थिरदेशातील बाजारात हळदीची आवक सरासरीपेक्षा चांगली असल्याचे व्यापारी सांगत आहेत. तर दुसरीकडे पावसामुळे हळदीला असलेली मागणी मागील दोन महिन्यात कमी झाली होती. त्याचा दबाव दरावर आला आहे. हळदीचे भाव मागील दोन महिन्यांपासून १० हजार ते १३ हजारांच्या दरम्यान आहेत. निर्यातीसाठीही हळदीला अपेक्षित उठाव नाही. त्यातच सध्या लागवड आघाडीवर. गेल्यावर्षीपेक्षा हळदीची लागवड वाढली आहे. पुढे सणासुदीच्या काळात हळदीला मागणी वाढेल. परंतु दरवाढीवर मर्यादा राहतील, असा अंदाज हळद बाजारातील अभ्यासकांनी दिला. .Cotton Farming Tips : कापसाची उत्पादकता वाढण्याचा प्राथमिक अंदाज.मक्याला मागणी कायमदेशात गेल्यावर्षभरातील तिन्ही हंगामात मक्याचे उत्पादन वाढले आहे. तसेच चालू खरिपातही मक्याची लागवड वाढली आहे. याचा दबाव दरावर येत आहे. तसेच मक्याच्या दरवाढीला मागील २ वर्षांमध्ये इथेनाॅलमुळे चांगलाच आधार मिळाला होता. परंतु यंदा इथेनाॅलसाठी आता तांदूळ आणि उसाचा पर्याय असणार आहे. त्यामुळे मक्याचे दर स्थिरावले आहेत. सध्या मक्याचे दर २ हजार ते २ हजार २०० रुपयांच्या दरम्यान आहेत. पुढील काळात मक्याच्या दरात काहीसे चढ उतार दिसू शकतात. मात्र यंदा मोठी तेजी येण्याची शक्यता कमीच असल्याचे अभ्यासकांनी सांगितले. .Banana Price: कमी दरामुळे केळी खरेदीचा प्रश्न गंभीर.गव्हाचे भाव स्थिरसरकारने गव्हावरील स्टाॅकची मर्यादा कमी केली. त्यामुळे क्विंटलमागे ३० ते ५० रुपयांची नरमाई आलीहोती. परंतु दर पुन्हा स्थिरावले. सणासुदीच्या काळात गव्हाचे भाव वाढू नये, यासाठी सरकारने हा निर्णय घेतला. सरकार ऑक्टोबरमध्ये हा निर्णय घेईल, असा अंदाज व्यक्त केला जात होता. पण सरकारने हा निर्णय लवकरच घेतला. याचा बाजाराव काहीसा परिणाम दिसला. परंतु बाजारात गव्हाची आवक कमी च आहे. तर सणासुदीच्या तोंडावर गव्हाची गव्हाला उठाव आहे. सध्या गहू २ हजार ४०० ते २ हजार ९०० रुपयांच्या दरम्यान गुणवत्तेदरम्यान विकले जात आहे. सध्याचे दर आणखी काही आठवडे कायम राहतील, असा अंदाज शेतमाल बाजारातील व्यापाऱ्यांनी व्यक्त केला. .भेंडीला चांगला उठावराज्यातील बाजारात भेंडीला चांगला उठाव आहे. भेंडीची आवक मात्र मर्यादीत असल्याचे व्यापारी सांगत आहेत. भेंडी पिकाला मागील १५ दिवसांमध्ये झालेल्या पावसाचा फटका बसत आहे. त्यामुळे बाजारातील आवक कमी आहे. सध्या भेंडीला प्रतिक्विंटल सरासरी २ हजार ५०० ते ३ हजार रुपये दर मिळत आहे. भेंडीची आवक राज्यातील पुणे, मुंबई, नाशिक आणि नागपूर बाजारातच काहीशी अधिक दिसत आहे. इतर बाजारांमध्ये आवक १०० क्विंटलेक्षा कमीच आहे. बाजारातील आवक आणखी काही आठवडे कमीच राहण्याची शक्यता आहे. त्यामुळे भेंडीचे दर आणखी काही आठवडे टिकून राहतील, असा अंदाज भेंडी बाजारातील व्यापारी व्यक्त करत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
