Market Bulletinगहू बाजार नरमलादेशातील बाजारात गव्हाचे भाव मागील काही महिन्यांपासून स्थिर होते. दरात काहिसे चढ उतार दिसले मात्र सरासरी दरपातळी ३ टक्क्यांच्या पुढे बदलली नाही. मात्र सरकारने काल गव्हावर स्टाॅक लिमिट लावले. त्याचा परिणाम गव्हाच्या दरावर दिसून आला. गव्हाचे दर काही बाजारात क्विंटलमागे २० ते ५० रुपयांनी नरमल्याचे दिसून आले. सणासुदीच्या काळात गव्हाचे भाव वाढू नये, यासाठी सरकारने हा निर्णय घेतला. सरकार ऑक्टोबरमध्ये हा निर्णय घेईल, असा अंदाज व्यक्त केला जात होता. पण सरकारने हा निर्णय लवकरच घेतला. याचा बाजाराव काहीसा परिणाम दिसेल, असा अंदाज गहू बाजारातील अभ्यासकांनी व्यक्त केला..केळीला उठावकेळीला मागील महिनाभरापासून उठाव मिळत आहे. त्यामुळे केळीचे दरही टिकून आहेत. आता गणपती उत्सवात केळीला मागणी कायम राहील, असे व्यापारी सांगत आहेत. पुढे केळीला चांगली मागणी आहे. किरकोळ बाजारात केळीचे दरही वाढले. मात्र त्या प्रमाणात शेतकऱ्यांना दर मिळात नाही. सध्या बाजारात केळी १५०० ते २ हजार रुपये प्रतिक्विंटलच्या दरम्यान विकली जात आहे. तर शेतकऱ्यांची मागणी यापेक्षा अधिक दराची आहे. केळीला जास्त दर मिळावा, अशी मागणी शेतकरी करत आहेत. .Wheat Price: गव्हाचे भाव पाडण्यासाठी केंद्राची चाल; गव्हाच्या साठा मर्यादेत केली कपात.कापूस दरावर दबावदेशात यंदा कपासाची लागवड कमी झाली. तरीही आतापर्यंत कापूस विकासाठी पोषक हवामान आहे. त्यामुळे उत्पादन गेल्यावर्षीएवढेच राहील, असा अंदाज व्यक्त केला जात आहे. त्यातच अमेरिकेने भारताच्या कापडावर ५० टक्के शुल्क लागू केले. भारत सरकारने कापूस आयातीवरील ११ टक्के शुल्क काढले. या सर्व घडामोडींचा कापूस बाजारावर परिणाम होत आहे. देशात कापसाचे भाव नरमले आहेत. सध्या शेतकऱ्यांचा कापूस बाजारात येत नाही. मात्र खंडीमध्ये कापसाचे भाव १५०० रुपयांपर्यंत कमी झाले आहेत. त्याचा दबाव नव्या हंगामात कापसावर राहणार आहे. .Agrowon Podcast: बेदाण्याचे दर तेजीत, गहू स्थिर, भेंडीला चांगला उठाव, ज्वारीला मागणी कायम तर हरभऱ्याचा बाजार टिकून.गवार तेजीतराज्यातील बाजारात गवारचे दर टिकून आहेत. बाजारातील आवक कमी आणि चांगला उठाव यामुळे दर वाढले आहेत. पावसामुळे गवारची आवक कमीच आहे. राज्यातील बहतांशी भागात पिकाचे नुकसान झाले आहे. सध्या बाजारात गवारला ४ हजार ते ५ हजार रुपये गुणवत्तेनुसार दर मिळत आहे. राज्यातील केवळ पुणे आणि नागपूर जिल्ह्यातील बाजारांमध्ये आवक ५० क्विंटलपेक्षा आधिक दिसत आहे. इतर बाजारांमधील आवक २० क्विंटलपेक्षाही कमी आहे. गवार बाजारातील ही स्थिती पुढील काही आठवडे कायम राहू शकते, असा अंदाज गवार बाजारातील अभ्यासकांनी व्यक्त केला. .ज्वारीला मागणी कायमअलीकडच्या काही वर्षांपासून गावरान ज्वारीची मागणी वाढत आहे. मात्र मागणी वाढूनही ज्वारीच्या दरात सुधारणा होत नसल्याची बाजारातील स्थिती आहे. सध्या राज्यात ज्वारी गुणवत्तेनुसार २ हजार ५०० ते ३ हजार ५०० रुपयांच्या दरम्यान विकली जात आहे. ज्वारी. गेल्या काही दिवसांचा विचार करता ज्वारीला मागणी असूनही फारसा दर मिळत नाही. बाजारातही ज्वारीचा दर्जा चांगला असल्याचे सांगत व्यापाऱ्यांकडूनही हमी दरापेक्षा कमी दराने ज्वारीची खरेदी केली जात आहे. ज्वारीचे दर काही आठवडे कायम राहू शकतात, असा अंदाज ज्वारी बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
