Agrowon Podcast: लसणाचे दर टिकूनबाजारातील मर्यादीत आवक चांगला उठाव यामुळे लसणाच्या भावात मागील २ आठवड्यांमध्ये सुधारणा दिसून आली होती. लसणाचे दर सध्या टिकून आहेत. पावसाचा लसूण उत्पादक राज्यांमध्ये पिकाला फटका बसला. याचा बाजारातील आवकेवरही परिणाम झाला. बाजारांमधील लसणाची आवक कमी झाल्याने दराला आधार मिळाला, असे व्यापारी सांगत आहेत. दुसरीकडे सणासुदीच्या दिवसांत लसणाला चांगली मागणी आहे. सध्या लसूण ६ हजार ते ७ हजार रुपये प्रतिक्विंटलच्या दरम्यान विकला जात आहे. पुढील काही आठवडे बाजारात लसणाला चांगली मागणी राहील. नवा माल बाजारात येईपर्यंत दर टिकून राहू शकतात, असा अंदाज व्यापारी व्यक्त करत आहेत. .तुरीचे दर दबावातचदेशातील बाजारात तुरीचे दर दबावातच आहेत. आयातीमुळे देशात तुरीचा स्टाॅक तयार झाला. परिणामी पुरवठा जास्त असल्याने दरात मंदी आली आहे. तुरीचा हमीभाव ८ हजार रुपये असताना बाजारात सध्या तुरीला सरासरी ६ हजार रुपये दर मिळत आहे. तूर आयात सुरुच आहे. तसेच सरकारने आणखी ६ महिन्यांसाठी तूर आयात खुली केली आहे. त्यामुळे तुरीची आयात मोठ्या प्रमाणात होण्याची शक्यता आहे. परिणामी देशातील उत्पादन कमी होऊनही तुरीच्या दरावर दबाव आहे. तुरीच्या बाजारावर सरकारच्या धोरणांचा दबाव आहे. त्यामुळे तुरीचे दर दबावातच राहतील, असा अंदाज तूर बाजारातील अभ्यासकांनी व्यक्त केला..Agrowon Podcast : लाल मिरचीचे दर टिकून; आजचे शेवगा बाजार, मोसंबी दर, बेदाणा भाव, हरभरा दर .वांग्याला चांगला उठावराज्यातील बाजारात वांग्याचे दर टिकून आहेत. मागील दोन महिन्यांपासून वांग्याची आवक मर्यादीत दिसत आहे. तर वांग्याला मागणी मात्र चांगली आहे. त्यामुळे दरही टिकून आहेत. पावसाचा राज्यातील अनेक भागात वांगी पिकाला मोठा फटका बसला. अनेक जिल्ह्यांमध्ये काही ठिकाणी सलग काही दिवस पाऊस होता. यामुळे बाजारातील वांग्याची आवक कमीच आहे. त्यामुळे वांग्याला सध्या सरासरी २ हजार ५०० ते ३ हजार रुपये प्रतिक्विंटलच्या दरम्यान दर मिळत आहेत. वांगीचे दर पुढील काही आठवडे कायम राहू शकतात, असा अंदाज वांगी बाजारातील अभ्यासकांनी व्यक्त केला..FSSAI and SOPA Clash: ‘ऑलिव्ह ऑइल’ आरोग्यदायीवरून ‘एफएसएसएआय’, ‘सोपा’मध्ये दुमत.हळदीच्या दरात चढ उतारदेशातील बाजारात हळदीची आवक सरासरीपेक्षा चांगली असल्याचे व्यापारी सांगत आहेत. तर दुसरीकडे पावसामुळे हळदीला असलेली मागणी मागील दोन महिन्यात कमी झाली होती. त्याचा दबाव दरावर आला आहे. हळदीचे भाव मागील दोन महिन्यांपासून १० हजार ते १३ हजारांच्या दरम्यान आहेत. निर्यातीसाठीही हळदीला अपेक्षित उठाव नाही. त्यातच सध्या लागवड आघाडीवर. गेल्यावर्षीपेक्षा हळदीची लागवड वाढली आहे. पुढे सणासुदीच्या काळात हळदीला मागणी वाढेल. परंतु दरवाढीवर मर्यादा राहतील, असा अंदाज हळद बाजारातील अभ्यासकांनी दिला..कोथिंबीरची आवक स्थिरमागील तीन आठवड्यांमध्ये कोथिंबीरच्या भावात काहिशी घट दिसून आली होती. मात्र, गेल्या आठवडाभरात कोथिंबीरचे दर स्थिरावले आहेत. बाजारातील आवक वाढली तरी मागणीपेक्षा अतिरिक्त पुरवठा मर्यादीत आहे. त्यामुळे दर टिकून असल्याचे व्यापारी सांगत आहेत. सध्या बाजारात कोथिंबीर प्रतिक्विंटल सरासरी २ हजार ५०० ते ३ हजार ५०० रुपयांच्या दरम्यान विकली जात आहे. तर प्रति जुडी ५ ते ७ रुपयांच्या दरम्यान शेतकऱ्यांना भाव मिळत आहे. कोथिंबीरला बाजारात चांगली मागणी राहील. त्यामुळे कोथिंबीरचे दर काहीसे टिकून राहतील, असा अंदाज व्यापाऱ्यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
