Market Bulletin: सोयाबीन स्थिर देशातील बाजारात सोयाबीनच्या भावात काहीसे चढ उतार सुरु आहेत. मात्र आवक स्थिराववली आहे. मागील ३ दिवसांमध्ये प्रक्रिया प्लांट्सचे खरेदीचे भाव ४७०० रुपयांच्या दरम्यान आहेत. आजही ४६५० ते ४७०० रुपये भाव होता. बाजार समित्यांमध्ये मात्र ४ हजार ते ४ हजार ३०० रुपये भाव आहे. सोयापेंड निर्यातीची गती धिमी आहे. तसेच देशांतर्गत बाजारात सोयापेंडचा उठावही मंद गतीने होत आहे. मागणीनुसार बाजारात सोयाबीनची आवक चांगली सुरु आहे. याचा परिणाम बाजारवर दिसून येत आहे. सोयाबीन बाजारातील चढ उतार काही दिवस कायम राहू शकतात, असा अंदाज सोयाबीन बाजारातील अभ्यासकांनी व्यक्त केला. .बोरांना मागणीबाजारात आंबटगोड बोरांची आवक सुरु झाली. मात्र आवकेचा दबाव आणखी वाढलेला नाही. दुसरीकडे बोरांना मागणी आहे. परिणामी दर चांगला मिळत आहे. यंदा पावसाचा बोरांनाही फटका बसला. अनेक बागात बोरांचे उत्पादन कमी आल्याचे शेतकरी सांगत आहेत. सध्या बोरांना वाण आणि गुणवत्तेनुसार ४ हजारांपर्यंत दर मिळत आहे. तर सरासरी बाजारभाव २५०० ते ३ हजार रुपयांच्या दरम्यान आहेत. बोरांची आवक पुढील काही दिवसांमध्ये सुधारण्याची शक्यता आहे. त्यामुळे दरातही काहीसे चढ उतार दिसतील, असा अंदाज व्यापारी आणि जाणकार शेतकरी व्यक्त करत आहेत..Agrowon Podcast: तिळाला उठाव वाढला; सोयाबीनमधील चढउतार कायम, कापूस दर स्थिर, कारली दर तेजीतच तर गवारला चांगला उठाव.हळदीचे भाव टिकूनदेशातील बाजारात मागील काही आठवड्यांपासून हळदीचे भाव स्थिरावले आहेत. हळदीला सध्या चांगला उठाव आहे. तसेच देशातील बाजारात स्टाॅक सध्या कमी असला तरी नविन उत्पादन पुढील काही आठवड्यांपासून बाजारात यायाल सुरुवात होईल. या सर्व घटकांचा बाजारावर परिणाम होत आहे. सध्या बाजारात हळद १३ हजार ते १४ हजार रुपये प्रतिक्विंटलच्या दरम्यान विकली जात आहे. तर कमाल भाव १५ हजारांच्या घरात आहे. नव्या मालाची बाजारात आवक वाढेपर्यंत दरात काहीसे चढ उतार दिसू शकतात, असा अंदाज हळद बाजारातील अभ्यासकांनी व्यक्त केला आहे..Cotton Import: विक्रमी कापूस आयात होणार; उत्पादनही जास्त असल्याचा सीएआयचा अंदाज.स्ट्राॅबेरी तेजीतबाजारत स्ट्राॅबेरीची आवक सुरु झाली. सध्याची आवक कमी आहे. परंतु बाजारात येणाऱ्या आंबट गोड स्ट्राॅबेरीला सध्या चांगला उठाव आहे. आवक कमी आणि चांगला उठाव यामुळे दर चांगले आहेत. सध्या पुणे, मुंबईसह इतर बाजारात आवक दिसत आहे. पण मुंबईतील आवक आणि दर जास्त आहेत. तर स्ट्राॅबेरीचा सरासरी भाव ९ हजार ते १० हजार रुपये प्रतिक्विंटलच्या दरम्यान आहे. स्ट्राॅबेरीची आवक पुढील काही आठवड्यांमध्ये सुधारण्याची शक्यता आहे, असा अंदाज व्यापारी व्यक्त करत आहे..हिरवी मिरची टिकूनराज्यातील बाजारात हिरव्या मिरचीची आवक मर्यादीतच आहे. सध्याची आवक सरासरीच्या तुलनेत कमी असल्याचे व्यापारी सांगत आहेत. सध्या पुणे, मुंबई, नागपूर, कोल्हापूर आणि छत्रपती संभाजीनगर जिल्ह्यात आवक काहीशी अधिक आहे. मात्र इतर बाजारांमधील आवक कमची आहे. तर दुसरीकडे मिरचीला चांगला उठाव आहे. त्यामुळे हिरव्या मिरचीचे दर टिकून आहेत. सध्या हिरव्या मिरचीला प्रतिक्विंटल सरासरी ३ हजार ते ३ हजार ५०० रुपयांचा दर मिळत आहे. हिरव्या मिरचीची आवक पुढील काही दिवस मर्यादीतच राहू शकते, असा अंदाज व्यापारी आणि शेतकरी व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
