Market Bulletin: गव्हाला उठाव कायमदेशातील बाजारांमध्ये आज खरेदी विक्रीचे व्यवहार बंद होते. मात्र बाजारात गेल्या २ महिन्यांपासून गव्हाचे भाव स्थिर आहेत. बाजारातील आवक सध्या कमी आहे. उत्तर प्रदेश, मध्य प्रदेश, राजस्थान आणि पंजाबमधील बाजारात आवक काहीशी अधिक आहे. गव्हाला मागील आठवडाभरात २६०० ते २७०० रुपयांच्या दरम्यान भाव मिळाला होता. पुढील काळात सणासुदीमुळे गव्हाला मागणी वाढणार आहे. सणासुदीत रवा आणि मैदा यासारख्या गव्हाच्या पदार्थांना मोठी मागणी असते. बाजारातील आवक सुधारल्यास दराला काहीसा आधार मिळू शकतो, असा अंदाज गहू बाजारातील अभ्यासकांनी व्यक्त केला..उडदाचे भाव दबावातचदेशातील काही बाजारांमध्ये लवकर लागवड झालेला उडीद मागील आठवड्यात बाजारात आला होता. या उडदाला मुहुर्तावर दरही चांगला मिळाला होता. मात्र देशातील बाजारात उडदाचे भाव मागील काही महिन्यांपासून दबावातच आहेत. उडदाला मागील महिनाभरात सरासरी ६ हजार ५०० ते ७ हजारांचा भाव मिळत आहे. उडादाची बाजारातील आवक कमी असली तरी आयात माल जास्त आहे. आयात उडादाचा स्टाॅक देशात आहे. त्याचा दबाव दरावर असल्याचे प्रक्रियादार सांगत आहेत. नवा उडदाची बाजारातील आवक पुढील काही आठवड्यांमध्ये वाढेल. त्यामुळे दरावर दबाव राहू शकतो, असा अंदाज उडीद बाजारातील अभ्यासक व्यक्त करत आहेत. .Sugar Price: साखरेच्या दरात वाढ.हळद दर टिकून हळदीला सणांमुळे काहीशी मागणी वाढत असल्याचे व्यापारी सांगत आहेत. मात्र, हळदीची बाजारातील आवकही वाढलेली दिसत आहे. त्यामुळे हळदीचे दर स्थिर आहेत. हळदीला सरासरी प्रतिक्विंटल १० हजार ते १२ हजार रुपये दर मिळत आहे. हळदीच्या यापुढे सणासुदीच्या काळात चांगली मागणी येणार आहे. मात्र, जागतिक बाजारात सुरु असलेली अनिश्चिततेचा परिणाम हळदीच्या निर्यातीवरही होत असल्याचे निर्यातदारांचे म्हणणे आहे. याचाही दरावर परिणाम दिसून येत आहे. मात्र, पुढील काळात सणांमुळे मागणी वाढल्यानंतर दरातही वाढ दिसून येईल, असा अंदाज हळद बाजारातील अभ्यासकांनी व्यक्त केला. .US Soybean Production: अमेरिकेत सोयाबीन उत्पादन घटण्याचा अंदाज.पेरुचा बाजार स्थिरराज्यातील बाजारात पेरुची आवक काहीशी वाढली आहे. मात्र दुसरीकडे पेरुला उठावही चांगला आहे. त्यामुळे पेरुचे दर मागील काही आठवड्यांपासू टिकून आहेत. बाजारात दर्जेदार पेरुची टंचाई असल्याचे पेरू व्यापारी सांगत आहेत. सध्या राज्यात मुंबई, पुणे आणि सोलापूर बाजारात पेरुची आवक काहीशी अधिक दिसत आहे. तर पेरुला सरासरी ३ हजार ते ५ हजार रुपयांच्या दरम्यान गुणवत्ता आणि व्हरायटीनुसार दर मिळत आहे. बाजारातील पेरुची आवक आणि दर पुढील काही आठवडे कायम राहू शकते, असा अंदाज पेरु बाजारातील व्यापारी व्यक्त करत आहेत. .तोंडलीची आवक मर्यादीत राज्यातील बाजारात तोंडलीचे दर मागील काही आठवड्यांपासून टिकून आहेत. इतर भाजीपाल्याप्रमाणे तोंडली पिकालाही यंदा मे आणि जून महिन्यातील जोरदार पावसाचा फटका बसला आहे. तोंडलीची बाजारातील आवक कमीच आहे. तर दुसरीकडे तोंडलीला बाजारात उठाव असल्याचे व्यापारी सांगत आहेत. त्यामुळे राज्यातील बाजारात तोंडलीला सरासरी ३ हजार ५०० ते ४ हजार रुपयांच्या दरम्यान भाव मिळत आहे. पुढील काही आठवडे बाजारीतल आवक कमीच राहण्याची शक्यता आहे. त्यामुळे तोंडलीचे दरही टिकून राहू शकतात, असा अंदाज व्यापारी व्यक्त करत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
