Market Bulletin: हरभरा दर स्थिरदेशातील बाजारात मागील काही दिवसांपासून हरभरा दर स्थिरावले आहेत. बाजारातील आवक सध्या कमी आहे. मात्र आयात स्टाॅकचा दरावर दबाव आहे. देशात स्टाॅक असल्याने आयातही काहीशी कमी होत आहे. याचा फटका मात्र देशातील शेतकऱ्यांना बसत आहे. सध्या हरभरा ५ हजार ते ५ हजार ३०० रुपयांच्या दरम्यान विकला जात आहे. दुसरीकडे हरभरा लागवडही सुरु आहे. सरकारचे धोरण आयातीला पुरक आहे. त्यामुळे पुढील काही दिवस हरभरा दर दबावातच दिसू शकतात, असा अंदाज हरभरा बाजारातील अभ्यासकांनी व्यक्त केला. .मटारच्या दरात नरमाई राज्यातील बाजारात सध्या मटारची आवक सुधारत आहे. त्यामुळे दरातील तेजीतही कमी झाली आहे. राज्यातील बहुतांशी बाजारांमध्ये मटारची आवक सुरु झाली आहे. सध्या पुणे आणि मुंबई बाजारातच मटारची आवक चांगली दिसत आहे. इतर बाजारांमधील आवकही सुधारत आहे. यामुळे दरात नरमाई पाहायला मिळाली. सध्या मटार बाजारात ५ हजार ते ६ हजार रुपये प्रतिक्विटलच्या दरम्यान विकला जात आहे. मटारची आवक पुढील काळात आणखी सुधारण्याची शक्यता आहे. त्यामुळे मटारच्या दरातही चढ उतार राहतील, असा अंदाज भाजीपाला बाजारातील व्यापाऱ्यांनी व्यक्त केला. .Cotton Price: खेडा खरेदीत कापसाचे दर हमीभावापेक्षा कमीच.हिरव्या मिरची टिकूनराज्यातील बाजारात हिरव्या मिरचीची आवक अद्यापही वाढलेली नाही. आवक सरासरीपेक्षा कमीच असल्याचे व्यापारी सांगत आहेत. हिरव्या मिरचीला इतर भाजीपाला दराचाही आधार मिळताना दिसत आहे. सध्या हिरवी मिरची सरासरी ३ हजार ते ३ हजार ५०० रुपयांच्या दरम्यान विकली जात आहे. हिरव्या मिरचीची आवक आणखी काही दिवस कमीच राहून दरही टिकून राहू शकतात, असा अंदाज भाजीपाला बाजारातील अभ्यासकांनी व्यक्त केला. .Agrowon Podcast: शेवगा पोचला २० हजारांवर,हरभरा दबावातच,संत्री आवक कमी,ज्वारीचे दर टिकून.बोरांना मागणीथंडी सुरु झाल्यानंतर राज्यातील बाजारात आंबट-गोड बोरांचीही आवक सुरु झाली. सध्या बोरांचा मुख्य हंगाम सुरु झालेला नाही. त्यामुळे आवकही कमी आहे. पुढील काही आठवड्यानंतर मुख्य हंगाम सुरु होऊन आवकही सुधारण्याची शक्यता आहे. सध्या बोरांना प्रतिक्विंटल सरासरी २५०० ते ३ हजारांचा दर मिळत आहे. बोरांचे उत्पादनही यंदा कमी राहण्याची शक्यता काही शेतकरी व्यक्त करत आहेत. त्यामुळे यंदा बोरांनाही बऱ्यापैकी दर राहू शकतो, असा अंदाज व्यापारी आणि जाणकार शेतकरी व्यक्त करत आहेत..तुरीचे दर दबावातचमहाराष्ट्र आणि कर्नाटकातील एक-दोन ठिकाणी नव्या तुरीची आवक होत आहे. या तुरीला हमीभावापेक्षा कमीच दर मिळत आहे. नवी तूर ७ हजार ते ७ हजार २०० रुपयाने विकली गेली. तर आयात तूर ६ हजार २०० ते ६ हजार ५०० रुपये आणि जुनी तूर ६ हजार ५०० ते ७ हजाराने विकली जात आहे. तर तुरीचा हमीभाव ८ हजार रुपये आहे. देशातील बाजारात तुरीच्या आवकेचा दबाव नाही. मात्र तरीही आयात मालामुळे दरावर दबाव आहे. तुरीची आवक सुरुच आहे. त्यामुळे दरात काहीसे चढ उतार सुरुच राहतील, असा अंदाज तूर बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
