Market Bulletin: सोयाबीन टिकूनदेशातील बाजारात सोयाबीनच्या भावात झालेली सुधारणा टिकून आहे. सोयाबीनचा भाव हमीभावाच्या दरम्यान आहे. प्रक्रिया प्लांट्सचे खरेदीचे भाव ५ हजार ४५० ते ५६०० रुपयांच्या दरम्यान आहेत. तर बाजार समित्यांमध्ये सोयाबीनला सरासरी ४ हजार ९०० ते ५ हजाजर २०० रुपयांच्या दरम्यान भाव मिळत आहेत. बाजारात सध्या आवक कमीच आहे. त्यामुळे वाढलेला भाव टिकून आहे. सोयाबीन बाजारातील ही स्थिती आणखी काही दिवस टिकून राहू शकते, असा अंदाज सोयाबीन बाजारातील अभ्यासकांनी व्यक्त केला आहे. .कापूस आवक कमीचदेशातील बाजारात कापसाची आवक कमीच आहे. तर दुसरीकडे कापसाची मागणीही सीसीआयमुळे पूर्ण होताना दिसत आहे. यामुळे बाजारभाव स्थिरावले आहेत. सध्या बाजारात कापसाला सरासरी ७ हजार ९०० ते ८ हजार २०० रुपयांच्या दरम्यान भाव मिळत आहे. कापसाची आवक पुढील काळातही कमीच राहण्याची शक्यता आहे. पण भाववाढीवक सीसीआयची कापूस विक्री आणि आयातीमुळे मर्यादा येण्याची शक्यता आहे. यामुळे कापसाचे भाव काही दिवस स्थिर दिसू शकतात, असा अंदाज कापूस बाजारातील अभ्यासकांनी व्यक्त केला आहे. .Pesticide Regulation: ऑनलाइन कीटकनाशक विक्रीवर नियंत्रण हवे.कारल्याला मागणीराज्यातील बाजारात मागील काही महिन्यांपासून कारल्याला चांगला दर मिळत आहे. कारल्याची लागवड कमी असल्याने बाजारातील आवक कमी आहे. तर दुसरीकडे कारल्याला उठाव चांगला आहे. यामुळे दर टिकून आहेत. सध्या बाजारात कारली प्रतिक्विंटल सरासरी ४ हजार ५०० ते ५ हजार ५०० रुपयांच्या दरम्यान विकली जात आहे. कारल्याची आवक पुढील काही दिवस कमीच राहण्याची शक्यता आहे. त्यामुळे कारल्याचे दरही टिकून राहू शकतात, असा अंदाज भाजीपाला बाजारातील जाणकारांनी व्यक्त केला आहे..Banana Export: केळी उत्पादकांसाठी नववर्षाची सुरुवात आशादायी.टोमॅटो दरात नरमाईटोमॅटोच्या भावात चालू आठवड्यात नरमाई पाहायला मिळाली. टोमॅटोची बाजारातील आवक सुधारल्यामुळे दरावर परिणाम झाल्याचे व्यापारी सांगत आहेत. तर अनेक भागातील तोडा सुरु झाल्याने बाजारात मालाची आवक वाढल्याचे शेतकऱ्यांनी सांगितले. मागील आठवड्यात सरासरी १५०० ते २ हजारांच्या दरम्यान असलेला भाव चालू आठवड्यात ११०० ते १५०० रुपयांच्या दरम्यान पोचला आहे. पुढील काही आठवडे बाजारातील आवक चांगली राहील, असा अंदाज टोमॅटो बाजारातील अभ्यासकांनी व्यक्त केला आहे. .ज्वारी दर स्थिरदेशातील बाजारात ज्वारीची आवक स्थिरावली आहे. तर ज्वारीला चांगली मागणी आहे. यंदा ज्वारीच्या उत्पादनात वाढ झाल्याचे सरकारी अंदाजातून स्पष्ट होते. यामुळे सध्या आवक स्थिरावली असली तरी पुरवठा चांगला आहे. याचा परिणाम दरावर दिसून येत आहे. सध्या ज्वारी बाजारात गुणवत्तेप्रमाणे सरासरी २ हजार ६०० ते ३ हजार २०० रुपयांच्या दरम्यान विकली जात आहे. ज्वारीची बाजारातील आवक पुढील काही आठवडे टिकून राहण्याची शक्यता आहे. तसेच बाजारातही कोरकोळ चढ उतार वगळता मोठ्या घडामोडी घडण्याची शक्यता कमीच असल्याचे ज्वारी बाजारातील जाणकारांनी सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
