Market Bulletin: सोयाबीनमध्ये काहीसे चढ उतारदेशातील बाजारात सोयाबीनच्या भावात काहीसे चढ उतार दिसून येत आहेत. असे असले तरी सरासरी दरपातळी मात्र कायम दिसत आहे. बाजारातील सोयाबीनची आवक कमीच आहे. तर सोयाबीनला मागणी टिकून आहे. त्यामुळे बाजारात सरासरी दरपातळी ५ हजार २०० ते ५ हजार ५०० रुपयांच्या दरम्यान आहे. तर प्रक्रिया प्लांट्सचे खरेदीचे भाव ५ हजार ८०० ते ६ हजारांच्या दरम्यान आहेत. प्रक्रिया प्लांट्सच्या खरेदीच्या भावात काहीसे चढ उतार दिसत आहे. मात्र, सोयाबीनचा भाव टिकून राहू शकतो, असा अंदाज सोयाबीन बाजारातील अभ्यासकांनी व्यक्त केला. .कापसाच्या भावात नरमाईकापसाच्या भावात मागील २ दिवसांपासून काहीशी नरमाई दिसून आली. बाजारातील कापसाची आवक कमीच आहे. तर कापसाला उठावही चांगला आहे. तरीही बजेटच्या पार्श्वभुमीवर कापसाच्या भावात काहीसे चढ उतार दिसत आहेत. सध्या बाजारात कापसाला सरासरी ७ हजार ७०० ते ८ हजार १०० रुपयांच्या दरम्यान भाव मिळत आहे. कापसाची बाजारातील आवक कमीच राहण्याची शक्यता आहे. मात्र, सीसीआयच्या कापूस विक्रीचा परिणाम बाजारावर दिसून येत आहे. कापासचे भाव हमीभावाच्या पातळीवर स्थिरावतील, असा अंदाज कापूस बाजारातील अभ्यासकांनी व्यक्त केला आहे..Cotton Market: साठा संपतेवेळी दरात झाली सुधारणा.टोमॅटो भाव स्थिरावलेटोमॅटोची बाजारातील आवक सुधारल्यानंतर बाजारभावात नरमाई दिसून आली आहे. टोमॅटोला सध्या बाजारात ११०० ते १४०० रुपयांच्या दरम्यान भाव मिळत आहे. बाजारातील आवक कमी होती त्यामुळे जानेवारीच्या पहिल्या दोन आठवड्यांमध्ये चांगला भाव होता. पण तोडा वाढल्याने बाजारातील आवकही वाढली आणि दरात नरमाई दिसून आली. राज्यातील बहुतांशी भागांत टोमॅटोचा तोडा सुरु आहे. याचा दबाव काही आठवडे दरावर राहू शकतो, असा अंदाज टोमॅटो बाजारातील अभ्यासकांनी व्यक्त केला आहे..Soybean Procurement: शेतकरी कंपन्यांची साडेसतरा लाख क्विंटल सोयाबीन खरेदी.डाळिंबाचे भाव टिकूनराज्यातील बाजारात मागील काही दिवसांपासून डाळिंबाचे भाव स्थिरावलेले आहेत. मध्यंतरी डाळिंबाच्या भावात काहीशी नरमाई आली होती. तर दुसरीकडे डाळिंबाचा उठाव कायम आहे. यामुळे दरपातळी टिकून आहे. सध्या डाळिंब प्रतिक्विंटल ८ हजार ते १० हजारांच्या दरम्यान विकले जात आहे. डाळिंबाची आवक पुढील काही काळ कमीच राहण्याची शक्यता आहे. त्यामुळे डाळिंबाचा भावही टिकून राहू शकतो, असा अंदाज डाळिंब बाजारातील अभ्यासकांनी व्यक्त केला..चिकुला उठावबाजारात सध्या चिकुची आवक कमी आहे. तर चिकुला उठाव चांगला मिळत आहे. यामुळे भावही बाजारात टिकून आहेत. राज्यातील बहुतांशी भागांत चिकुची काढणी कमी प्रमाणात होत आहे. सध्याची आवक कमी असल्याने दरपातळी टिकून आहे. सध्या बाजारात चिकू प्रतिक्विंटल सरासरी ४ हजार ते ४ हजार ५०० रुपयाने विकला जात आहे. चिकुची बाजारातील आवक पुढील काही काळ कमीच राहण्याची शक्यता आहे. त्यामुळे चिकुचे भावही टिकून राहू शकतात, असा अंदाज फळबाजारातील जाणकारांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
