Market Bulletin: आल्याच्या दरात सुधारणा राज्यातील बाजारात आल्याच्या दरात मागील आठवडाभरात सुधारणा दिसून आली. आल्याची बाजारातील आवक मर्यादीत आहे. मात्र, आल्याला उठाव आहे. दिवाळीचीही मागणी चांगली असल्याने आल्याच्या दरात सुधारणा दिसत आहे. सध्या आले सरासरी ४ हजार ते ४ हजार ५०० रुपयाने विकले जात आहे. आले पिकाला काही भागात पावसाचाही दणका बसला. त्यामुळे नुकसानही झाले आहे. पुढील काही आठवडे बाजारातील आवक मर्यादीतच राहण्याची शक्यता आहे. तर उठाव मात्र चांगला राहण्याचा अंदाज आहे. त्यामुळे आल्याचे दरही टिकून राहू शकतात, असा अंदाज आले बाजारातील अभ्यासकांनी व्यक्त केला. .काकडीचे दर टिकूनराज्यातील बाजारात काकडीचा दर सध्या टिकून आहे. काकडीची बाजारातील आवक अनेक भागात कमी आहे. सप्टेंबर महिन्यात झालेल्या पावसाने पिकाचे मोठे नुकसान झाले. परिणामी बाजारातील आवक कमी दिसत आहे. तर दुसरीकडे मागील आठवडाभरात उन्हाचा चटकाही जाणवत असल्याने मागणी येत आहे. त्यामुळे काकडी प्रतिक्विंटल सरासरी १५०० ते २ हजार रुपयाने विकली जात आहे. काकडीची बाजारातील आवक पुढील काही आठवड्यांमध्ये सुधारण्याची शक्यता आहे, असे व्यापारी सांगत आहेत. .Agrowon Podcast: पेरुचे दर टिकून; हिरवी मिरची नरमली, बाजरीचे दर दबावातच, बटाट्याचे दर स्थिर तर बीटची आवक कमीच.गाजराला उठावगाजराला सध्या चांगला उठाव आहे. गाजराची बाजारतील आवकही कमीच आहे. तर दुसरीकडे गाजराला उठाव चांगला आहे. गाजराचे दरही सध्या टिकून आहेत. गाजरला बाजारात सरासरी ३ हजार ते ३ हजार ५०० रुपये दर मिळत आहे. गाजराला पुढील काही आठवडे मागणी चांगली राहण्याची शक्यता आहे. सणासुदीत उठाव आणखी वाढू शकतो. मात्र दुसरीकडे आवक मर्यादीतच राहू शकते. गाजर पिकाचेही नुकसान मोठे असल्याचे शेतकरी सांगत आहेत. त्यामुळे गाजराचे दरही टिकून राहू शकतात, असा अंदाज व्यापारी व्यक्त करत आहेत. .Tomato Market: पिंपळगाव बाजार समितीत टोमॅटोची उच्चांकी आवक.सोयाबीन दबावातचदेशातील बाजारात सोयाबीनचे दर दबावातच आहेत. सोयाबीनला सरासरी प्रतिक्विंटल ४१०० ते ४२०० रुपये दर मिळत आहे. बाजारात सध्या नव्या सोयाबीनची आवक सुरु होत आहे. आवकेचा दबाव आणखी वाढला नाही. मात्र पुढील एक दोन आठवड्यांमध्ये आवकेचा दबाव वाढू शकतो. तसेच पावसामुळे अनेक भागात सोयाबीनची गुणवत्ताही कमी झाली आहे. सध्या बाजारात येणाऱ्या मालामध्ये ओलावाही अधिक आहे. याचा परिणाम दरावर दिसत असल्याचे अभ्यासकांनी सांगितले. .टोमॅटो दर दबावातचराज्यातील बाजारात टोमॅटोचे दर दबावातच आहेत. टोमॅटोला मोठ्या बाजारांमध्ये आवक जास्त असल्याने सरासरी ८०० ते १३०० रुपये दर मिळत आहे. बाजारातील टोमॅटोची आवक पावसानंतर सुधारली. तर दुसरीकडे उठाव स्थिर आहे. त्यामुळे टोमॅटोच्या दरावर दबाव आहे. मुंबई आणि इतर मोठ्या बाजारपेठांमध्ये मागणी असल्याने दर काहीसे अधिक आहेत. पण आवक जास्त आहे तिथे दबाव दिसत आहे. पुढील काही आठवडे बाजारातील आवक चांगली राहण्याची शक्यता आहे. याचा दरावर परिणाम दिसू शकतो, असा अंदाज व्यापारी आणि अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
