Market Bulletin: सोयाबीन दर स्थिरावलेदेशातील बाजारात सोयाबीनचे दर स्थिरावले आहेत. मागील दोन दिवसांपासून सोयाबीनच्या भावाता चढ उतार दिसले नाहीत. बाजारातील सोयाबीनची आवक सध्या कमी आहे. यंदा शेतकऱ्यांनी शिल्लक सोयाबीन ठेवले नाही. तसेच नाफेड आणि एनससीसीएफच्या सोयाबीनची विक्रीही अंतिम टप्प्यात आली आहे. बाजारात आजही सोयाबीन प्रतिक्विंटल सरासरी ४ हजार ३०० ते ४ हजार ४०० रुपये प्रतिक्विंटलच्या दरम्यान विकले जात आहे. तर प्रक्रिया प्लांट्सचे भाव ४ हजार ६०० ते ४ हजार ७०० रुपयांच्या दरम्यान आहेत. सोयाबीनची बाजारातील आवक यंदा पावसामुळे उशीरा वाढण्याची शक्यता आहे, असा अंदाज अभ्यासकांनी व्यक्त केला. .आले दरात सुधारणाराज्यातील बाजारात आल्याच्या दरात काहीशी सुधारणा दिसून आली. मागील दोन आठवड्यांमध्ये पावसामुळे आल्याची आवक कमीच झाली. तर दुसरीकडे आल्याला चांगला उठाव आहे. याचा आधार आल्याच्या दराला मिळत आहे. आल्याचे दर मागील आठवडाभरात काहीसे वाढले आहेत. सध्या आले ४ हजार ते ४ हजार ५०० रुपयांच्या दरम्यान विकले जात आहे. बाजारातील आल्याची आवक पुढील काही आठवडे कमीच राहण्याची शक्यता आहे. तर सणासुदीमुळे आल्याला मागणीही चांगली असेल. याचा आधार दराला मिळेल. आल्याचे दर पुढील काही आठवडे टिकून राहू शकतात, असा अंदाज जाणकारांनी व्यक्त केला. .GST Consumer Complaint: जीएसटी कपातीनंतर तीन हजार तक्रारी दाखल.कांदा दर दबावातचदेशातील बाजारात कांद्याचे दर दबावातच आहेत. मागील ३ महिन्यांपासून कांदा दर शेतकऱ्यांची परिक्षाच पाहत आहे. कांद्याला उत्पादन खर्चाएवढाही भाव मिळत नाही. त्यामुळे शेतकरी अडचणीत आले आहेत. कांद्याचे पावसाने झालेले नुकसान आणि बदलत्या वातावरणाचा कांद्याच्या गुणवत्तेवर झालेला परिणाम यामुळे शेतकऱ्यांना कांद्याची विक्री करावी लागत आहे. याचा दबाव कांदावर येत आहे. कांद्याला आजही सरासरी १ हजार ते १२०० रुपये दर मिळत आहे. गुणवत्तापूर्ण कांदा सरासरी १५०० ते १७०० रुपयाने विकला जात आहे. पण या कांद्याचे प्रमाण बाजारात कमीच आहे. बाजारातील कांदा आवक आणखी काही आठवडे चांगली राहण्याची शक्यता आहे. त्यामुळे कांदा दरावरील दबाव कायम राहील, असा अंदाज कांदा बाजारातील अभ्यासकांनी व्यक्त केला. .Vegetable Market: जळगावच्या भरीत वांग्याची आवक वाढू लागली.टोमॅटो दरात सुधारणाबाजारातील टोमटोची आवक कमी झाल्यानंतर दरात काहीशी सुधारणा दिसून येत आहे. सप्टेंबरच्या मध्यात बाजारातील आवक वाढल्यानंतर दरावर दबाव आला होता. परिणाम दर नरमले होते. पण मागील १५ दिवसांमध्ये झालेल्या पावसाने टोमॅटो पिकाला बहुतांशी भागात तडाखा बसला. उत्पादन आणि गुणवत्ता कमी झाल्याने बाजारात टोमॅटोला चांगला दर मिळत आहे. टोमॅटोची बाजारातील आवक घटल्याने दरही काहीसे वाढले आहेत. राज्यात सध्या टोमॅटोला सरासरी १४०० ते १६०० रुपये प्रतिक्विंटलचा दर मिळत आहे. तर चांगल्या मालाचे दर १८०० ते २ हजार रुपयांच्या दरम्यान आहेत. टोमॅटोचे दर पुढील काही आठवडे कायम राहू शकतात, असा अंदाज टोमॅटो बाजारातील अभ्यासकांनी व्यक्त केला. .मेथीचे दर वाढलेराज्यातील बाजारात मागील दोन आठवड्यांमध्ये मेथीची आवक खूपच कमी झाली आहे. राज्यातील बहुतांशी भाजीपाला उत्पादक भागात पावसाने दणका दिला. मेथीच्या भाजीचेही यात मोठे नुकसान झाले त्यामुळे बाजारातील मेथीची आवक कमीच आहे. तर दुसरीकडे मेथीला चांगला उठाव मिळत आहे. याचा आधार दराला मिळत आहे. सध्या मेथीला बाजारात प्रतिक्विंटल सरासरी ७ हजार ते ८ हजारांचा भाव मिळत आहे. तर प्रतिजुडी १२ ते १५ रुपयांच्या दरम्यान मेथीची भाजी विकली जात आहे. बाजारात मेथीच्या भाजीची आवक पुढील काही आठवडे कमीच राहण्याची शक्यता आहे. त्यामुळे मेथीचे दर टिकून राहू शकतात, असा अंदाज मेथी बाजारातील अभ्यासकांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
