Market Bulletin: कांदा दर दबावातचबाजारात कांद्याच्या भावावरील दबाव कायम आहे. कांद्याला बाजारात आजही उत्पादन खर्चापेक्षा कमी भाव मिळत असल्याने शेतकरी अडचणीत आले आहेत. राज्यातील बहुतांशी बाजारांमध्ये कांद्याची आवक चांगली आहे. त्यामुळे दर नरमलेले आहेत. त्यातच नाशिक जिल्ह्यात बाजारात खरिपाचा नवा कांदाही दाखल झाला. याचा दबाव दरावर आहे. राज्यभरातील बाजारात कांद्याला सरासरी ११०० ते १३०० रुपये दर मिळत आहे. कांदा चाळीत टिकत नसल्याने नाईलाजाने कांदा विकावा लागत असल्याचे शेतकरी सांगत आहेत. कांदा बाजारातील ही स्थिती आणखी काही आठवडे कायम राहू शकते, असा अंदाज कांदा बाजारातील अभ्यासकांनी व्यक्त केला..सोयाबीनचे दर कमीचबाजारात सध्या सोयाबीनची आवक कमीच आहे. त्यातही शेतकऱ्यांचा माल बाजारात नगण्य आहे. तरीही सोयाबीनच्या भावावर दबाव वाढला. प्रक्रिया प्लांट्सनी सोयाबीन खरेदीचे भाव आज १०० ते १५० रुपयांनी कमी केले. प्रक्रिया प्लांट्सचे सोयाबीन खरेदीचे भाव प्रतिक्विंटल ४५०० ते ४६०० रुपयांच्या दरम्यान होते. तर बाजार समित्यांमधील भाव ४ हजार ते ४ हजार २०० रुपयांच्या दरम्यान होते. पुढील काही आठवड्यांमध्ये बाजारात नव्या मालाची आवक सुरु होईल. परंतु यंदा देशात सोयाबीनची लागवड कमी झाली आणि पिकाचे नुकसानही होत आहे. त्यामुळे उत्पादनात घट होण्याची शक्यता आहे. याचा आधार सोयाबीनच्या दराला मिळेल, असा अंदाज अभ्यासकांनी व्यक्त केला..Soybean Market : सोयाबीन यंदा तरी शेतकऱ्यांना हात देणार का?.टोमॅटो दरात चढ उतारबाजारातील टोमॅटोची आवक काही प्रमाणात वाढत असल्याने दरातही काहीसे चढ उतार दिसून येत आहेत. मागील दोन आठवड्यांमध्ये दरात नरमाई दिसून आली. नाशिक, पुणे जिल्ह्यात आवक जास्त आहे. त्यातही नाशिक जिल्ह्यातील आवक वाढून पुणे जिल्ह्यातील बाजारांमधील आवक कमी दिसत आहे. सध्या टोमॅटोला बाजारात प्रतिक्विंटल सरासरी गुणवत्तेनुसार १ हजार ते १५०० रुपये दर मिळत आहे. चांगल्या गुणवत्तेचा माल २ हजारांच्या दरम्यान विकला जात आहे, असे व्यापाऱ्यांनी सांगितले. मात्र मागील दोन दिवसांपासून जोरदार पावसाने टोमॅटो पिकाचे पुन्हा नुकसान होत आहे. याचा आवकेवर परिणाम होऊ शकतो, अशे व्यापारी आणि शेतकरी सांगत आहेत..Sugar Export : साखर निर्यातीचा मार्ग मोकळा होणार?.गवारला चांगला उठावराज्यातील बाजारात मागील काही दिवसांपासून पुन्हा गवारची आवक कमी दिसत आहे. तर गवारला उठाव चांगला आहे. त्यामुळे दरही टिकून आहेत. गवारच्या भावाताली तेजी आजही टिकून होती. गवारला बाजारात प्रतिक्विंटल सरासरी ५ हजार ते ६ हजार रुपये दर मिळत आहे. काही बाजारांमध्ये कमाल भाव ८ हजारांपर्यंत मिळाला. दर चांगले असले तरी आवक मात्र खूपच आहे. राज्यातील बहुतांशी बाजारांमधील आवक ५० क्विंटलपेक्षाही कमी आहे. तसेच पिकाला पावसाचाही दणका बसत आहे. त्यामुळे गवारची बाजारातील आवक पुढील काही आठवडे कमीच राहील, असा अंदाज गवार बाजारातील व्यापारी आणि जाणकार व्यक्त करत आहेत..गव्हाचे भाव स्थिरसरकारने गव्हावरील स्टाॅकची मर्यादा कमी केली. त्यामुळे क्विंटलमागे ३० ते ५० रुपयांची नरमाई आलीहोती. परंतु दर पुन्हा स्थिरावले. सणासुदीच्या काळात गव्हाचे भाव वाढू नये, यासाठी सरकारने हा निर्णय घेतला. सरकार ऑक्टोबरमध्ये हा निर्णय घेईल, असा अंदाज व्यक्त केला जात होता. पण सरकारने हा निर्णय लवकरच घेतला. याचा बाजाराव काहीसा परिणाम दिसला. परंतु बाजारात गव्हाची आवक कमी च आहे. तर सणासुदीच्या तोंडावर गव्हाची गव्हाला उठाव आहे. सध्या गहू २ हजार ४०० ते २ हजार ९०० रुपयांच्या दरम्यान गुणवत्तेदरम्यान विकले जात आहे. सध्याचे दर आणखी काही आठवडे कायम राहतील, असा अंदाज हवामान विभागाने व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
