Market Bulletin: सोयाबीन स्थिरावलेसोयाबीनचे भाव आज देशातील बाजारात काहीसे स्थिरावले होते. मागील २ दिवसांमध्ये सोयाबीनच्या भावात २०० ते ४०० रुपयांपर्यंत सुधारणा झाली आहे. बाजारातील पॅनिक सेलिंग काहीसे कमी झाल्याने भावात वाढ झाली आहे. आज सोयाबीनचा भाव बाजारात ५ हजार ते ५ हजार ४०० रुपयांच्या दरम्यान पोचला होता. तर प्रक्रिया प्लांट्सचे खरेदीचे भाव ५ हजार ५०० ते ५ हजार ७०० रुपयांवर स्थिर होते. सोयाबीन भावात आणखी सुधारणा होण्यास वाव असल्याचा अंदाज अभ्यासकांनी व्यक्त केला आहे. .कापूस दबावातचदेशातील बाजारात कापसाचा भाव दबवातच आहे. सीसीआय कापसाची विक्री करत असून कधी भाव कमी करेल, याचा अंदाज नाही. कारण सीसीआयने कापूस विक्रीचे भाव १४०० ते १६०० रुपयाने आधीच कमी केले आहेत. त्यामुळे कापूस भावावर दबाव आला आहे. कापसाचे भाव ७ हजार ५०० ते ७ हजार ९०० रुपयांच्या दरम्यान होते. तर बाजारातील आवक कमीच आहे. पुढील काळातही कापसाची आवक कमीच राहण्याची शक्यता आहे. पण सीसीआयच्या कापूस विक्रीचा दबाव बाजारावर कायम राहील, असा अंदाज कापूस बाजारातील अभ्यासकांनी व्यक्त केला आहे. .Wheat Export: गहू निर्यातीला मंजुरी.wकोथिंबीर आवक वाढलीबाजारातील कोथिंबीरची आवक वाढलेली आहे. त्याचा परिणाम बाजारावर दिसून येत आहे. कोथिंबीरला बाजारात उठावही चांगला आहे. मात्र वाढलेल्या आवकेमुळे भाव स्थिरावलेले आहेत. राज्यातील सर्वच बाजारांमधील कोथिंबीरची आवक सध्या सरासरीपेक्षा अधिक असल्याचे व्यापारी सांगत आहेत. तर कोथिंबीरला शेकडा ४०० ते ७०० रुपयांपर्यंत भाव मिळत आहे. क्विंटलला गुणवत्तेप्रमाणे १ हजार ५०० ते २ हजारांच्या दरम्यान भाव मिळत आहे. कोथिंबीरची बाजारतील आवक पुढील काही दिवस कायम राहू शकते, असा अंदाज कोथिंबीर बाजारातील अभ्यासकांनी व्यक्त केला आहे. .Pune APMC: पुणे बाजार समितीत कवठ, रताळ्याची आवक.टोमॅटो भाव स्थिरराज्यातील बाजारात टोमॅटोचे भाव काहीसे स्थिरावले आहेत. टोमॅटोला सध्या उठाव आहे. मात्र बाजारातील आवकही मागणीप्रमाणे दिसत आहे. परिणामी भाव मागील काही दिवसांपासून स्थिर दिसत आहे. राज्यातील पुणे, मुंबई, नारायणगाव, नाशिक बाजारात टोमॅटोची आवक तुलनेत काहीशी अधिक दिसत आहे. तर टोमॅटोला सरासरी ८०० ते १३०० रुपयांचा भाव मिळत आहे. टोमॅटोची बाजारातील आवक पुढील काही दिवस स्थिर दिसू शकते, असा अंदाज टोमॅटो बाजारातील अभ्यासकांनी व्यक्त केला आहे. .कारले टिकूनराज्यातील बाजारात कारल्याची मागणी टिकून आहे. तर दुसरीकडे कारल्याची आवकही स्थिर दिसत आहे. त्यामुळे भावपातळीही बहुतांशी बाजारात स्थिरावली आहे. सध्या कारली बाजारात ४ हजार ५ हजार रुपये प्रतिक्विंटलने विकली जात आहे. बाजारातील कारल्याची आवक पुढील काही आठवडे स्थिर राहण्याची शक्यता असल्याचे व्यापारी सांगत आहेत. तर दुसरीकडे कारल्याला उठावही कायम राहण्याचा अंदाज आहे. त्यामुळे कारल्यचे भाव या भावपातळीच्या दरम्यान आणखी काही दिवस दिसू शकतात, असा अंदाज कारली बाजारातील जाणकारांनी व्यक्त केला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
