Market Bulletin: सोयाबीनमध्ये चढ उतार देशातील बाजारात कालपासून सोयाबीनच्या दरात पुन्हा काहीसे चढ उतार पाहायला मिळाले. सोयाबीनचे भाव काही बाजारात कालच्या तुलनेत ५० रुपयांपर्यंत नरमले होते. तर प्रक्रिया प्लांट्सचे खरेदीचे भावही ५० ते ७५ रुपयांपर्यंत नरमले. प्रक्रिया प्लांट्सचे भाव आज ४ हजार ७५० ते ४ हजार ८५० रुपयांच्या दरम्यान होते. बाजारातील सोयाबीनवक आवक कमीच आहे. बाजारात सध्या सोयाबीन सरासरी ४ हजार ते ४ हजार ५०० रुपयाने विकली जात आहे. सोयाबीनला बाजारात गुणवत्ता आणि ओलाव्यानुसार दर मिळत आहे. सोयाबीन बाजारातील ही स्थिती कायम राहील, असा अंदाज सोयाबीन बाजारातील अभ्यासकांनी व्यक्त केला. .कापूस दर स्थिरदेशातील बाजारात कापसाचा भाव मागील काही दिवसांपासून स्थिर आहे. आयात कापसाचा देशातील कापूस दरावर परिणाम होत आहे. त्यामुळे देशातही कापसाच्या वाढीवर मर्यादा येत आहेत. सध्या कापसाचा भाव ६ हजार ८०० ते ७ हजार २०० रुपयांच्या दरम्यान आहेत. कापसाचा कमाल भाव काही बाजारांमध्ये ७ हजार ३०० ते ७ हजार ५०० रुपयांपर्यंतही पोचला आहे. मात्र या दरात खूपच कमी कापसाची खरेदी होत आहे. सरकारने ३१ डिसेंबरपर्यंत कापूस आयात खुली केली आहे. आयात शुल्क लागू झाल्यानंतर दराला आधार मिळू शकतो, असा अंदाज कापूस बाजारातील अभ्यासकांनी व्यक्त केला..Nashik Grapes Export: ‘अर्ली’ द्राक्षांची निर्यात ५० टक्क्यांनी कमी.मोहरीला उठावदेशातील बाजारात सध्या मोहरीला हमीभावापेक्षा अधिक दर मिळत आहे. मोहरीला तेल आणि पेंडेसाठी उठाव आहे. तर मोहरीची उपलब्धता कमी आहे. याचा परिणाम मोहरीच्या दरावर दिसून येत आहे. देशातील बाजारात सध्या मोहरीला प्रतिक्विंटल सरासरी ६ हजार ३०० ते ६ हजार ६०० रुपयांच्या दरम्यान दर मिळत आहे. मोहरीचा भाव हमीभावापेक्षा जास्त असल्याने रब्बी हंगामात मोहरीची लागवड वाढत आहे. मोहरीचा भाव पुढील काही आठवडे टिकून राहू शकतो, असा अंदाज मोहरी बाजारातील अभ्यासकांनी व्यक्त केला..Maize Procurement: मका खरेदीसाठी केंद्रांवर नोंदणी सुरू.शेवगा तेजीतचराज्यातील बाजारात सध्या शेवग्याची आवक कमीच आहे. तर दुसरीकडे शेवग्याला उठाव चांगला आहे. त्यामुळे शेवग्याच्या दरात तेजी आहे. शेवग्याचे दर मागील २ महिन्यांपासून वाढलेले आहेत. सध्या केवळ पुणे आणि मुंबई बाजारातच शेवग्याची आवक ५० ते १०० क्विंटलच्या दरम्यान दिसत आहे. इतर बहुतांशी बाजारांमधील आवक १० क्विंटलपेक्षाही कमी आहे. तर सध्या शेवग्याला सरासरी ९ हजार ते १० हजार रुपये भाव मिळत आहे. पुणे आणि मुंबई बाजारात कमाल दर १५ हजारांवरही पोचला. शेवग्याची आवक पुढील काही दिवस तरी कमीच राहण्याची शक्यता आहे. त्यामुळे राज्यातील बाजारात शेवग्याचे दरही काही दिवस तेजीतच राहू शकतात, असा अंदाज शेवगा बाजारातील जाणकारांनी व्यक्त केला..वांगी आवक कमीचराज्यातील बाजारात सध्या वांग्याची आवक कमी आहे. तर दुसरीकडे वांग्याला उठाव चांगला आहे. त्यामुळे वांग्याचे दर तेजीत आहेत. सध्या राज्यातील बाजारात वांग्याला प्रतिक्विंटल सरासरी ५ हजार ते ५ हजार ५०० रुपये दर मिळत आहे. मुंबई मार्केटला कमाल ६ हजार रुपये दर मिळाला. तर पुणे बाजारातही चांगल्या मालाला ७५०० रुपये दर मिळाला आहे. राज्यातील सर्वच बाजारांमध्ये सध्याची आवक कमी आहे. पुढील काही दिवस तरी वांग्याची आवक कमी राहून दर टिकून राहू शकतात, असा अंदाज भाजीपाला बाजारातील जाणकार व्यापारी व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
