Market Bulletin: सोयाबीन दरात सुधारणादेशातील बाजारात मागील २ दिवसांपासून सोयाबीनच्या दरात सुधारणा दिसून आली. सोयाबीनचे प्रक्रिला प्लांट्सचे खरेदीचे भाव प्रतिक्विटल सरासरी ४ हजार ८०० ते ४ हजार ९०० रुपयांच्या दरम्यान होते. तर बाजार समित्यांमध्येही काही ठिकाणी कमाल भाव ४५०० रुपयांच्या दरम्यान पोचला. बाजारातील सोयाबीनची आवक काहीशी कमी झाली आहे. तर दुसरीकडे सोयाबीनला चांगला उठाव आहे. याचा आधार सोयाबीनच्या दराला मिळत आहे. सोयाबीनच्या भावात पुढील काही दिवस काहीसे चढ उतार राहू शकतात, असा अंदाज सोयाबीन बाजारातील अभ्यासकांनी व्यक्त केला..कापूस स्थिरआठवड्याच्या पहिल्याच दिवशी म्हणजेच सोमवारी कापसाचा भाव देशातील बाजारात काहीसा स्थिरावला होता. बाजारातील कापसाची आवक चांगली आहे. मात्र सीसीआयची खरेदी वाढलेली आहे. सीसीआय बाजारात येणाऱ्या कापसापैकी बहुतांश कापूस खरेदी करत आहे. सध्या बाजारात येणाऱ्या कापसात गुणवत्ता चांगली आहे. त्यामुळे खुल्या बाजारातही दर काही ठिकाणी ७ हजार ८०० ते ७ हजार ९०० रुपयांच्या दरम्यान पोचला आहे. तर सरासरी दरपातळी ७ हजार ३०० ते ७ हजार ७०० रुपयांच्या दरम्यान आहे. कापसाच्या दरात आणखी काही दिवस काहीसे चढ उतार दिसू शकतात, असा अंदाज कापूस बाजारातील अभ्यासकांनी व्यक्त केला..Soybean Procurement: सोयाबीन खरेदीचा गोंधळ कायम.संत्र्याला उठावराज्यातील बाजारात संत्र्याला उठाव चांगला आहे. तर दुसरीकडे संत्र्याची बाजारातील आवक कमी आहे. त्यामुळे संत्र्याचे दर टिकून आहेत. संत्र्याला सरासरी ४५०० ते ५ हजार रुपये दर मिळत आहे. संत्र्याला सर्वाधिक ८ हजार रुपये दर पुणे मार्केटला मिळत आहे. तर मुंबई मार्केटमध्ये वेगवेगळ्या गुणवत्तेनुसार ७ हजारांपर्यंत भाव आहे. बाजारातील संत्र्याची आवक पुढील काही दिवस कमीच राहण्याची शक्यता आहे. त्यामुळे संत्र्याचे भाव टिकून राहतील, असा अंदाज संत्रा बाजारातील अभ्यासकांनी व्यक्त केला..Soybean Procurement: सोयाबीन खरेदीचा गोंधळ कायम.डाळिंबाची आवक कमीचराज्यातील बाजारात डाळिंबाची आवक कमीच आहे. त्यातही गुणवत्तेचा माल आजही कमी होता. त्यामुळे दर टिकन आहे. काही बाजारांमध्ये डाळिंबाची आवक अधिक दिसत असली बाजारात गुणवत्तेप्रमाणे दर मिळत आहे. गुणवत्तेचा डाळिंब मुंबई बाजारात १२ हजार रुपये प्रतिक्विंटलपर्यंत विकला जात आहे. तर पुणे बाजारात सरासरी ८ हजार ते १० हजारांचा भाव आहे. नागपूरसह इतर बाजारांमध्ये ६ हजारांच्या दरम्यान माल विकला जात आहे. पण गुणवत्तेचा माल पुणे आणि मुंबई बाजारात विकला जात आसल्याचे व्यापारी आणि जाणकार शेतकऱ्यांनी सांगितले..शेवग्यातील तेजीतचराज्यातील बाजारात शेवग्याच्या भावातील तेजी कायम आहे. बाजारात शेवग्याची आवक सरासरीपेक्षा खुपच कमी आहे. तर दुसरीकडे शेवग्याला चांगला उठाव आहे. परिणामी शेवग्याच्या दरातील तेजी वाढली आहे. शेवगा मागील काही महिन्यांपासून चांगलाच भाव खात आहे. पण सध्याची आवक खूपच कमी आहे. त्यामुळे आज शेवग्याला सरासरी १५ हजार ते १८ हजार रुपये प्रतिक्विंटलचा दर मिळत आहे. काही बाजारांमध्ये शेवगा २० हजारांच्याही पुढे विकला जात आहे. शेवग्यातील तेजी आणखी काही आठवडे टिकून राहील, असा अंदाज भाजीपाला बाजारातील जाणकारांनी व्यक्त केला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
