सोयाबीनचे दर टिकून राज्यातील बाजारात सोयाबीनची आवक कमी झाली आहे. हमीभावाने सोयाबीनची खरेदी वेगाने सुरु आहे. राज्यात हमीभावाने आतापर्यंत सोयाबीनची खरेदी ४ लाख टनांची झाली आहे. शेतकरी हमीभावाच्या खाली कमी सोयाबीन विकत आहेत. याचा आधार दराला मिळत आहे. सध्या सोयाबीन सरासरी ४ हजार ४०० ते ४ हजार ८०० रुपयांच्या दरम्यान विकले जात आहे. हमीभावाने खरेदी आणखी ४० दिवस चालणार आहे. तसेच बाजारातील सोयाबीनची आवक पुढील काळात आणखी कमी होण्याची शक्यता आहे. याचा आधार दराला मिळेल, असा अंदाज सोयाबीन बाजारातील अभ्यासकांनी व्यक्त केला आहे. .कापसातील सुधारणा कायमदेशातील बाजारात कापसाची आवक कमी झाली आहे. तर दुसरीकडे सीसीआयची खरेदीही वाढली आहे. कापूस आयातीवरही ११ टक्के शुल्क लागू झाले आहे. या सर्व घडामोडींचा कापसाच्या दराला चांगला आधार मिळत आहे. कालपासून आयात शुल्क लागू झाल्यामुळे कापूस दरात २०० रुपयांपर्यंत सुधारणा झाली आहे. कापसाचा सरासरी भाव ७ हजार ५०० ते ८ हजारांच्या दरम्यान आहे. जानेवारी महिन्यात सीसीआयची खरेदी १०० लाख गाठींचा टप्पा पार करण्याची शक्यता आहे. तर बाजारातील आवक आणखी कमी होईल. यामुळे कापसाच्या दरात आणखी सुधारणा दिसेल, असा अंदाज कापूस बाजारातील अभ्यासकांनी व्यक्त केला आहे। .Strawberry Market: स्ट्रॉबेरीच्या मागणीत वाढ.मका दर दबावातचनव्या वर्षाच्या सुरुवातीलाही मका बाजारावरील दबाव कायम आहे. मक्याला सरासरी बाजारात १६०० ते १८०० रुपये दर मिळत आहे. पोल्ट्री खाद्यासाठी मका २ हजार ते २१०० रुपयाने विकला जात आहे. मक्याची बाजारातील आवक चांगली आहे. राज्यातील सर्वच बाजारांमध्ये सरासरीपेक्षा आवक जास्त आहे. तर पुढे उद्योगांची खरेदी गरजेनुसार सुरु आहे. याचा देशात मक्याचे उत्पादनही वाढले आहे. यामुळे निर्यातही सुरु आहे. मक्याची आवक यंदा चांगली राहण्याची शक्यता आहे. पुढील काही दिवस बाजारातील आवक आणि दर टिकून राहू शकतात, असा अंदाज मका बाजारातील अभ्यासकांनी व्यक्त केला आहे. .Green Chana Rate: हिरव्या हरभऱ्याचे दर आले दबावात.तुरीवर दबाव कायमदेशात बाजारात तुरीचे भाव दबावातच आहेत. यंदाही देशातील तूर उत्पादन कमी होणार आहे. मात्र आयात खुली असल्याने दरपातळी दबावात आहे. देशात तुरीची आयात गरजेप्रमाणे होत आहे. तसेच देशात साठाही आहे. यामुळे तूर सरासरी ६ हजार ५०० ते ७ हजाराने विकली जात आहे. आयात तूर ६५०० रुपयांच्या दरम्यान विकली जात आहे. आयात मालाचे भाव कमी असल्याचा दबाव दरावर आहे. पुढील महीनाभरात बाजारातील तुरीची आवक वाढणार आहे. त्यामुळे दरावरील दबाव कायम राहू शकतो, असा अंदाज तूर बाजारातील अभ्यासकांनी व्यक्त केला आहे. .काकडीला उठावराज्यातील बाजारात काकडीची आवक कमीच आहे. तर दुसरीकडे काकडीला उठाव चांगला आहे. सध्या बाजारात काकडी ३ हजार ते ४ हजार रुपये क्विंटलने विकली जात आहे. काकडीची बाजारातील आवक पुढील काही आठवडे मर्यादीतच राहण्याची शक्यता आहे. तर काकडीला उठाव राहण्याची शक्यता आहे. त्यामुळे काकडीचे दर टिकून राहतील, असा अंदाज भाजीपाला बाजारातील व्यापारी आणि जाणकार शेतकऱ्यांनी व्यक्त केला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
