Market Bulletin: सोयाबीन स्थिरावलेदेशातील बाजारात सोयाबीनचा भाव चालू आठवड्यात १०० ते २०० रुपयाने सुधारला होता. आठवड्याच्या शेवटी म्हणजेच शनिवारी बाजारभाव स्थिरावलेला दिसला. देशातील बहुतांशी प्रक्रिया प्लांट्सचे भाव ४ हजार ७५० ते ४ हजार ९०० रुपयांच्या दरम्यान होते. तर बाजार समित्यांमधील दर ४ हजार ते ४ हजार ४०० रुपयांच्या दरम्यान होते. तर बियाणे दर्जाचे सोयाबीन ६ हजार ते ८ हजारांच्या दरम्यान आहे. सोयाबीनच्या भावात पुढील आठवड्यात ५० रुपयांपर्यंतचे चढ उतार राहू शकतात, असा अंदाज सोयाबीन बाजारातील अभ्यासकांनी व्यक्त केला. .कापूस आवक सुधारतेयदेशातील बाजारात कापसाची आवक मागील आठवडाभरापासून सुधारत आहे. कापसाचे वातावरण निवळ्यानंतर कापसाची गुणवत्ताही चांगली येत असल्याचे शेतकरी सांगत आहेत. महाराष्ट्र, गुजरात, तेलंगणा, कर्नाटक, आंध्र प्रदेशात आवक वाढल्याचे बाजारातील आकड्यांवरून दिसत आहे. तर कापसाचे भाव मात्र स्थिर आहेत. कापसाचा भाव प्रतिक्विंटल सरासरी ६ हजार ८०० ते ७ हजार २०० रुपयांच्या दरम्यान आहेत. सीसीआयची कापसाची खरेदीही सुरु झालेली आहे. मात्र खरेदीला अद्याप वेग आलेला नाही. पुढील आठवड्यात आवकेत पुन्हा सुधारणा होऊ शकते, असा अंदाज कापूस बाजारातील अभ्यासकांनी व्यक्त केला..Agrowon Podcast: हरभरा व कापूस दर दबावात; शेवग्याला चांगला उठाव, मक्याची आवक स्थिर, तर कारलीच्या दरात चढ–उतार कायम.काकडीला उठावराज्यातील बाजारात सध्या काकडीची आवक काहीशी सुधारत आहे. मात्र दुसरीकडे काकडीला उठावही चांगला आहे. त्यामुळे काकडीचे दरही टिकून आहेत. सध्या पुणे, मुंबई, नाशिक, नागपूर बाजारात आवक काहीशी जास्त दिसत आहे. मात्र मागणीच्या तुलनेत आवक मर्यादीत आहे. त्यामुळे दर २५०० ते ३ हजार रुपये प्रतिक्विंटलच्या दरम्यान कायम आहेत. पुढील काळातही काही दिवस आवक मर्यादीत राहण्याची शक्यता आहे. त्यामुळे दरही टिकून राहू शकतात, असा अंदाज भाजीपाला बाजारातील व्यापाऱ्यांनी व्यक्त केला..Pomegranate Prices: डाळिंबाला किलोला १२० ते १६० रुपये दर.मोसंबीचे दर टिकूनराज्यातील बाजारात मोसंबीची आवक कायम आहे. मोसंबी पिकाला यंदा पावसाचा जोरदार दणका बसला. मराठवड्यातील अनेक भागात मोसंबी पिकाचे मोठे नुकसान झाले. सततच्या पावसाने फळगळ आणि फळांची गुणवत्ता कमी झाल्याचे शेतकरी सांगत आहेत. तर बाजारातील मोसंबीची आवक स्थिर दिसत आहे. सध्या मोसंबी बाजारात प्रतिक्विंटल सरासरी ४ हजार ते ५ हजार रुपये प्रतिक्विंटलने विकली जात आहे. मोसंबीचे दर पुढील काही दिवस कायम राहू शकतात, असा अंदाज मोसंबी बाजारातील अभ्यासकांनी व्यक्त केला..लसणाला उठावराज्यातील बाजारात लसणाची आवक मागील काही दिवसांपासून मर्यादीत आहे. यामुळे दराला चांगला आधार मिळाला. लसणाचे दर सध्या बाजारात ७ हजार ते ९ हजार रुपये प्रतिक्विंटलच्या दरम्यान आहेत. लसूण उत्पादक भागात महाराष्ट्र आणि मध्य प्रदेशात पावसाने पिकाचे नुकसान केले. याचा परिणाम उत्पादनावर होत आहे. तसेच बाजारातील आवक अपेक्षेपेक्षा कमी आहे. त्यामुळे पुढील काही दिवस लसणाचे दर टिकून राहू शकतात, असा अंदाज लसूण बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
