Market Bulletin: सोयाबीनच्या दरात नरमाईदेशातील बाजारात सोयाबीनच्या भावात काहीशी नरमाई दिसून आली. सोयाबीनच्या भावात मागील महिनाभरात जवळपास ५०० रुपयांचा सुधारणा झाली होती. मात्र मागील आठवडाभरात सोयाबीनचे भाव पुन्हा १०० ते २०० रुपयांनी कमी झाले. प्रक्रिया प्लांट्सचे भाव देशात सध्या ४ हजार ७०० ते ४ हजार ८५० रुपयांच्या दरम्यान आहेत. तर बाजार समित्यांमध्ये ४ हजार ४०० ते ४ हजार ६०० रुपयांच्या दरम्यान सोयाबीन विकले जाते आहे. सध्या बाजारातील सोयाबीनची आवक कमीच आहे. मात्र नाफेड आणि एनसीसीएफच्या विक्री दरानुसार बाजारावर परिणाम दिसून येत आहे. सोयाबीनच्या भावात काहीसे चढ उतार राहतील, असा अंदाज सोयाबीन बाजारातील अभ्यासकांनी व्यक्त केला. .केळीचे दर टिकूनश्रावण महिन्यामुळे केळीच्या दराला चांगला आधार आहे. उपवास आणि विधिंमुळे केळीला चांगली मागणी आहे. तर बाजारातील केळीची पुरवठा मर्यादीत आहे. त्यामुळे केळीचे भावही टिकून आहेत. सध्या राज्यातील केळीला उत्तरेतही चांगली मागणी आहे. मात्र बाजारात गुणवत्तापूर्ण केळीची टंचाई कायम आहे. यामुळे केळीला सध्या सरासरी १५०० ते २ हजार रुपयांच्या दरम्यान गुणवत्तेप्रमाणे दर मिळत आहे. केळीला श्रावण महिना आणि त्यानंतर गणपती उत्सवातही चांगली मागणी राहणार आहे. त्यामुळे केळीच्या दराला चांगला आधार राहील, असा अंदाज केळी बाजारातील अभ्यासकांनी व्यक्त केला. .Papaya Price: खानदेशात पपईचे दर १२ ते २० रुपये किलो .हरभऱ्याचे दर टिकूनमागील दोन आठवड्यांपासून देशातील बाजारात हरभऱ्याचे दर टिकून आहेत. देशात सणासुदीच्या तोंडावर बेसण आणि हरभरा डाळीला मागणी वाढत आहे. पुढील काळात ही मागणी आणखी वाढेल, असे व्यापारी सांगत आहेत. त्यामुळे हरभऱ्याच्या दराला चांगला आधार आहे. बाजार समित्यांमध्ये सध्या हरभऱ्याला ५ हजार ६०० ते ५ हजार ८०० रुपये दर मिळत आहे. ग्राहक बाजारांमध्ये हरभरा बाजारभाव ६ हजारांच्या पुढे गेले आहेत. बाजारातील हरभरा आवकही कमीच आहे. मात्र आयात मालाचा काहीसा दबाव आहे. हरभरा दराला मागणीचा आधार कायम राहील, असा अंदाज हरभरा बाजारातील अभ्यासकांनी व्यक्त केला. .Cotton Price: देशात कापसाचे दर नरमले .काकडीचे दर नरमलेराज्यातील बाजारात काकडीची आवक मागील काही दिवसांपासून वाढली आहे. त्याचा दबाव दरावर दिसून येत आहे. यंदा पावसाळा लवकर सुरु झाला. त्यामुळे काही भागात काकडीची लागवडही लवकर झाली, असे काही शेतकरी सांगत आहेत. ही काकडी आता बाजारात विक्रीसाठी येत आहे. त्यामुळे काकडीचे दर नमरले आहेत. आज राज्यातील अनेक भागात काकडीला सरासरी प्रतिक्विंटल १५०० ते १७०० रुपये दर मिळत आहे. पुढील काळात बाजारातील आवक आणखी सुधारण्याची शक्यता आहे. त्यामुळे काकडीचे दरही कमी होण्याची शक्यता आहे, असे व्यापारी सांगत आहेत..ढोबळी मिरची स्थिरढोबळी मिरचीचे दर मागील काही आठवड्यांपासून काहीसे नरमले होते. मात्र मागील आठवडाभरात दर काहीसे स्थिरावले आहेत. राज्यातील काही बाजारांमध्ये ढोबळी मिरचीची आवक काहीशी वाढली आहे. ढोबळी मिरचीला सध्या बाजारात सरासरी गुणवत्तेप्रमाणे ३ हजार ते ३ हजार ५०० रुपयांच्या दरम्यान भाव मिळत आहे. ढोबळी मिरचीची बाजारातील आवक पुढील काही आठवडे कमीच राहण्याची शक्यता आहे. त्यामुळे ढोबळी मिरचीचे दरही तेजीतच राहतील, असा अंदाज व्यापारी आणि अभ्यासक शेतकरी व्यक्त करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
