Market Bulletin: सोयाबीन दर दबावातचदेशातील बाजारात मागील दोन आठवड्यांपासून सोयाबीनची आवक वाढली आहे. मात्र बाजारात सोयाबीनचे दर दबावातच आहेत. सध्या बाजारात आवक होणाऱ्या सोयाबीनमध्ये ओलावा अधिक आहे. तसेच सरकारची खरेदी सुरु नाही. त्यामुळे सोयाबीनचे भाव दबावात आहेत. सध्या सोयाबीन ३५०० ते ४१०० रुपयांच्या दरम्यान आहेत. सध्या बाजारात पॅनिक सेलिंग सुरु आहे. तसेच मध्य प्रदेशात भावांतर योजनेमुळे शेतकरी सोयाबीनची विक्री करत आहेत. याचा परिणाम दरावर काही दिवस राहू शकतो, असा अंदाज अभ्यासकांनी व्यक्त केला..आले दर टिकूनराज्यातील बाजारात आल्याचे दर टिकून आहेत. आल्याची बाजारातील आवक मर्यादीत आहे. तर दिवाळी सणामुळे आल्याला उठाव आहे. त्यामुळे आल्याचे दर मागील आठवड्यात काहीसे सुधारले होते. हे दर चालू आठवड्यात टिकून होते. सध्या आले सरासरी ३ हजार ते ३५०० रुपयांच्या दरम्यान विकले जाते. आल्याची बाजारातील आवक पुढील काही दिवस टिकून राहण्याची शक्यता आहे. त्यामुळे आल्याचे दरही स्थिर दिसू शकतात असा अंदाज व्यापारी आणि जाणकार शेतकरी व्यक्त करत आहेत. .Soybean Price Hike: सोयाबीन दरवाढीचा फायदा व्यापाऱ्यांनाच अधिक .मेथी भाजी तेजीतबाजारात मेथीची भाजी कमी येत आहे. तर दुसरीकडे भाजीला चांगला उठाव आहे. यामुळे दराला आधारही मिळत आहे. मेथीची भाजी मागील काही दिवसांपासून भाव खात आहे. मेथीच्या भाजीला आज सध्या प्रतिक्विंटल सरासरी ६ हजार ते ७ हजार रुपये दर मिळाला. तर प्रतिजुडी १७ रुपये त २० रुपये दर मिळाला. पुढील काही दिवस बाजारातील मेथीच्या भाजीची आवक कमीच राहणार आहे. तर उठाव चांगला राहील. त्यामुळे दरही टिकून राहू शकतात, असा अंदाज जाणकारांनी व्यक्त केला. .Import Duty: भारतावर प्रचंड आयातशुल्क लादणार.लिंबाचे दर स्थिरबाजारात सध्या लिंबाची आवक काहीशी अधिक दिसत आहे. तर मागणी कमी झाल्याचे व्यापारी सांगत आहेत. सप्टेंबरमधील पावसाने लिंबू पिकाला चांगलाच दणका दिला होता. त्यामुळे मागील २ आठवडे बाजारातील आवक कमी होती. पण सध्या आवक अधिक दिसत आहे. मात्र उठाव कमी झाला. त्यामुळे लिंबू प्रतिक्विंटल सरासरी ३ हजार ते ३५०० रुपयाने विकले जात आहे. लिंबाची आवक आणि दर पुढील काही दिवस टिकून राहू शकतात, असा अंदाज जाणकारांनी व्यक्त केला. .संत्र्याला उठावपावसाचा संत्रा पिकाला जोरदार तडाखा बसला. याचा परिणाम उत्पादनावर होत आहे. बाजारातील संत्रा आवक खूपच कमी आहे. यामुळे दरही टिकून आहेत. मात्र नुकसान जास्त असल्याने शेतकरी अडचणीत आले आहेत. सध्या बाजारात संत्रा ३ हजार ते ३५०० रुपयाने विकला जात आहे. पावसामुळे संत्रा पिकाची गुणवत्ताही कमी झाली आहे. त्यामुळे बाजारात गुणवत्तापूर्ण मालाची टंचाई जाणवत आहे. पुढील काही आठवडे बाजारातील संत्र्याची आवक मर्यादीत राहण्याची शक्यता आहे. त्यामुळे संत्र्याचे दरही टिकून राहू शकतात, असा अंदाज संत्रा बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
