Market Bulletin: सोयाबीन दरात सुधारणादेशातील बाजारात सोयाबीनच्या दरात कालपासून पुन्हा सुधारणा दिसून आली आहे. प्रक्रिया प्लांट्सचे सोयाबीन खरेदीचे भाव ५१०० ते ५ हजार ३०० रुपयांच्या दरम्यान पोचले आहेत. बाजारातील आवक कमी झाली आहे. दरात सुधारणा होत असल्याने शेतकऱ्यांनी सोयाबीनची विक्री कमी केली आहे. बाजारात आवक घटल्याचा परिणाम दरावर होत असून दर कमी वाढले आहेत. बाजार समित्यांमध्येही सोयाबीनला सरासरी ४ हजार ७०० ते ५ हजारांच्या दरम्यान दर मिळत आहे. सोयाबीनची आवक बाजारात कमीच राहू शकते. त्यामुळे दरही टिकून राहू शकतात, असा अंदाज सोयाबीन बाजारातील अभ्यासकांनी व्यक्त केला आहे. .कापसाचे भाव वाढलेकापसाच्या भावात मागील काही दिवसांपासून सुधारणा होत आहे. काही बाजारांमध्ये कापसाच्या भाव हमीभावाच्या पुढे सरकला आहे. राज्यातील आकोट बाजारात कापसाला कमाल ८४०० रुपये दर मिळाला. तर बहुतांशी बाजारांमध्ये कमाल दर ८ हजारांवर पोचला आहे. बाजारातील कमी झालेली आवक आणि चांगली मागणी यामुळे कापसाच्या भावात सुधारणा दिसून येत आहे. कापसाचे भाव वाढत असल्याने शेतकऱ्यांनी कापसाची विक्री थांबवली आहे. याचा परिणाम कापसाच्या दरावर दिसून येत आहे. बाजारातील कापसाची आवक आणखी काही दिवस कमीच राहू शकते, असा अंदाज अभ्यासकांनी व्यक्त केला आहे..Cotton Rate: कापूस उत्पादकांना बांगलादेश झटका देणार? भारतातून सूत आयातीवर शुल्क लावण्याच्या हालचाली.बाजरी टिकूनदेशातील बाजारात बाजरीची आवक स्थिर आहे. तसेच बाजारीला उठावही स्थिर आहे. परिणामी बाजारीचे दर एक भावपातळीच्या दरम्यान दिसत आहे. यंदाच्या खरिपात बाजारीचे उत्पादन चांगले आहे. त्यामुळे बाजारात पुरवठा वाढलेला आहे. परिणामी बाजरीचे दर मागील काही महिन्यांपासून प्रतिक्विंटल सरासरी २ हजार ७०० ते ३ हजार २०० रुपयांच्या दरम्यान आहेत. बाजरीची आवक पुढील काळातही टिकून राहू शकते. त्यामुळे बाजरीचे दरही टिकून राहील, असा अंदाज अभ्यासकांनी व्यक्त केला आहे..Agrowon Podcast: सोयाबीन दर टिकून, कापसात सुधारणा, गव्हाचे दर स्थिर, लाल मिरचीची आवक वाढली,हरभरा दबावातच.लसणाला मागणीलसणाची बाजारातील लसणाची आवक मर्यादीत आहे. त्यातही गुणवत्तापूर्ण मालाची आवक कमी दिसत आहे. परिणामी लसणाचे दर वाढले आहेत. सध्या लसूण बाजारात गुणवत्तेप्रमाणे सरासरी ८ हजार ते १० हजाराने विकला जात आहे. तर काही बाजारात उचांकी १५ हजारांचाही भाव मिळत आहे. सध्या मुंबई, पुणे, नाशिक, नागपूर आदी बाजारांमध्यचे काहीशी अधिक आवक आहे. इतर बाजारांमधील आवक कमीच आहे. यामुळे दराला आधार आहे. लसूण बाजारातील ही स्थिती पुढील काही दिवस कायम राहू शकते, असा अंदाज लसूण बाजारातील जाणकारांनी व्यक्त केला आहे..काकडीला उठावराज्यातील बाजारात काकडीची आवक कमीच आहे. तर दुसरीकडे काकडीला उठाव चांगला आहे. सध्या बाजारात काकडी ३ हजार ते ४ हजार रुपये क्विंटलने विकली जात आहे. काकडीची बाजारातील आवक पुढील काही आठवडे मर्यादीतच राहण्याची शक्यता आहे. तर काकडीला उठाव राहण्याची शक्यता आहे. त्यामुळे काकडीचे दर टिकून राहतील, असा अंदाज भाजीपाला बाजारातील व्यापारी आणि जाणकार शेतकऱ्यांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
