Market Bulletin: सोयाबीन दरात सुधारणासोयाबीनच्या दरात मागील आठवडाभरापासून सुधारणा कायम आहे. प्रक्रिया प्लांट्सचे भाव प्रतिक्विंटल सरासरी ४ हजार ८५० ते ४ हजार ९५० रुपये प्रतिक्विंटलच्या दरम्यान होते. तर बाजार समित्यांमध्ये सोयाबीन ४ हजार १०० ते ४ हजार ५०० रुपयाने विकले गेले. बियाणे दर्जाच्या सोयाबीनचा भाव ६ हजार ते ८ हजार रुपये प्रतिक्विंटल आहे. बाजारातील सोयाबीनची आवक मर्यादीत आहे. त्यामुळे मागील आठवडाभरात सोयाबीनच्या भावात सुधारणा दिसून आली. सोयाबीनचे भाव काही दिवस टिकून राहू शकतात, असा अंदाज सोयाबीन बाजारातील अभ्यासकांनी व्यक्त केला. .मक्याचे दर दबावातचदेशातील बाजारात मक्याचे दर सध्या दबावातच आहेत. यंदा मक्याचे उत्पादन वाढले. खरिपातील उत्पादन गेल्यावर्षीपेक्षा जास्त आहे. तर दुसरीकडे रब्बीतही मक्याची लागवड वाढत आहे. सध्या बाजारात खरिपातील मालाची चांगली आवक सुरु आहे. महाराष्ट्र, मध्य प्रदेश, बिहार, कर्नाटक या राज्यांमध्ये आवक वाढलेली आहे. सध्या मका देशभरात सरासरी १७०० ते २१०० रुपयांच्या दरम्यान विकला जात आहे. बाजारातील मक्याची आवक चांगली असली तरी उठाव मात्र मर्यादीत आहे. त्यामुळे मक्याचे दर पुढील काही दिवस स्थिर दिसू शकतात, असा अंदाज मका बाजारातील अभ्यासकांनी व्यक्त केला..Banana Arrivals: खानदेशात केळी आवकेत मोठी घट.आल्याच्या दरात चढ उतारराज्यातील बाजारात आल्याच्या दरात काहीसे चढ उतार दिसत आहेत. आल्याची आवक बाजारात कमीच आहे. सध्या केवळ मुंबई, पुणे आणि नागपूर बाजारात आल्याची आवक चांगली आहे. तर इतर बाजारांमधील आवक ५० ते १०० क्विंटलपेक्षाही कमी आहे. तर आल्याच्या दरात ३०० ते ५०० रुपयांपर्यंचे चढ उतार दिसत आहेत. आज राज्यातील बाजारात आल्याला प्रतिक्विंटल सरासरी ३ हजार ३५०० रुपयांचा दर मिळाला. पुढील काळातही आल्याची बाजारातील आवक मर्यादीतच राहू शकते, असा अंदाज आले बाजारातील अभ्यासकांनी व्यक्त केला..Agrowon Podcast: कापसाचा भाव स्थिर; सोयाबीन दरात सुधारणा, तूर बाजारतील मंदी कायम, दोडक्याच्या दरात सुधारणा तर उडदाचे भाव दबावात.कांदा आवक स्थिरावलीदेशातील बाजारात कांद्याची आवक काहीशी स्थिरावली आहे. कांद्याला उठावही चांगला आहे. सध्या देशातील बाजारात कांदा सरासरी १३०० ते १८०० रुपयाने विकला जात आहे. तर राज्यात कांद्याचा भाव १२०० ते १५०० रुपयांच्या दरम्यान आहेत. नाशिक जिल्ह्यात कांदा सरासरी १३०० ते १४०० रुपयाने विकला गेला. तर कांद्याचा कमाल भाव १८०० रुपयांच्या दरम्यान राहीला. बाजारातील कांद्याची आवक पुढील काळात सरासरीपेक्षा काहीशी कमी राहू शकते. खरिपातील कांदा उत्पादनाला यंदा फटका बसला आहे. याचा आधार बाजाराला राहू शकतो, असा अंदाज कांदा बाजारातील अभ्यासकांनी व्यक्त केला..हळदीच्या दरात सुधारणादेशातील बाजारात मागील काही दिवसांमध्ये हळदीच्या दरात सुधारणा दिसून आली. मागील हंगामात देशातील उत्पादन घटले होते. त्यामुळे सध्या शिल्लक साठा कमी आहे. त्यातच निर्यातीलाही मागणी येत आहे. त्यामुळे हळदीच्या भावात मागील महिनाभरापासून सुधारणा दिसून आली. सध्या बाजार समित्यांमध्ये हळद १३०० ते १६०० रुपयांच्या दरम्यान विकली जात आहे. यंदा हळदीची लागवड वाढली. पण पावसाचा हळद पिकाला फटकही बसला. अनेक भागात उत्पादन अपेक्षेपेक्षा कमीच येईल, असे शेतकरी सांगत आहेत. पुढील काळात हळदीला मागणीही चांगली राहील, असा अंदाज हळद बाजारातील अभ्यासकांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
