Market Bulletin: हळदीचे भाव स्थिरावलेदेशातील बाजारात हळदीची आवक सरासरीपेक्षा चांगली असल्याचे व्यापारी सांगत आहेत. तर दुसरीकडे पावसामुळे हळदीला असलेली मागणी मागील दोन महिन्यात कमी झाली होती. त्याचा दबाव दरावर आला आहे. हळदीचे भाव मागील दोन महिन्यांपासून १० हजार ते १३ हजारांच्या दरम्यान आहेत. निर्यातीसाठीही हळदीला अपेक्षित उठाव नाही. त्यातच सध्या लागवड आघाडीवर. गेल्यावर्षीपेक्षा हळदीची लागवड वाढली आहे. पुढे सणासुदीच्या काळात हळदीला मागणी वाढेल. परंतु दरवाढीवर मर्यादा राहतील, असा अंदाज हळद बाजारातील अभ्यासकांनी दिला. .सोयाबीनचे दरात चढ उतारदेशातील बाजारात सोयाबीनचे भाव स्थिर आहेत. सोयाबीनच्या भावात मागील महिनाभरात जवळपास ५०० रुपयांचा सुधारणा झाली होती. मात्र मागील आठवडाभरात सोयाबीनचे भाव पुन्हा १०० ते २०० रुपयांनी कमी झाले. प्रक्रिया प्लांट्सचे भाव देशात सध्या ४ हजार ८०० ते ४ हजार ९५० रुपयांच्या दरम्यान आहेत. तर बाजार समित्यांमध्ये ४ हजार ४०० ते ४ हजार ६०० रुपयांच्या दरम्यान सोयाबीन विकले जाते आहे. सध्या बाजारातील सोयाबीनची आवक कमीच आहे. मात्र नाफेड आणि एनसीसीएफच्या विक्री दरानुसार बाजारावर परिणाम दिसून येत आहे. सोयाबीनच्या भावात काहीसे चढ उतार राहतील, असा अंदाज सोयाबीन बाजारातील अभ्यासकांनी व्यक्त केला..Onion Procurement Scam : ‘एनसीसीएफ’मध्ये कांदा खरेदीत कमिशनखोरी आता मनमानी.उडदाचे भाव स्थिरदेशातील बाजारात उडदाची आवक कमीच आहे. मात्र तरीही उडदाचे भाव दबावात आहेत. उडदाला सरासरी ६ हजार ५०० ते ७ हजारांचा भाव मिळत आहे. उडादाची बाजारातील आवक कमी असली तरी आयात माल जास्त आहे. आयात उडादाचा स्टाॅक देशात आहे. त्याचा दबाव दरावर असल्याचे प्रक्रियादार सांगत आहेत. यंदा देशातील उडदाची लागवड गेल्यावर्षीप्रमाणे झाल्याचे दिसत आहे. तसेच देशातील अनेक भागात पिकाची स्थितीही चांगली आहे. त्यामुळे यंदा उत्पादन वाढीची शक्यता व्यक्त केली जात आहे. नवा उडीद पुढील काही आठवड्यांमध्ये बाजारात येईल. त्यामुळे दरावर दबाव राहू शकतो, असा अंदाज उडीद बाजारातील अभ्यासक व्यक्त करत आहेत..Sugar Export : साखर निर्यातीचे उद्दिष्ट अपूर्ण राहण्याची शक्यता.आले दरात सुधारणाआले पिकाच्या दरातील घसरणीमुळे शेतकऱ्यांची चिंता वाढली होती. मात्र मागील आठ ते दहा दिवसांपासून दरात सुधारणा होत आहे. आल्याच्या भावात मागील महिन्याच्या तुलनेत १०० ते ३०० रुपयांपर्यंत सुधारणा झाली आहे. सध्या प्रतिक्विंटल २ हजार ५०० ते ३ हजार ५०० रुपयांपर्यंत दर मिळत आहे. पावसामुळे आले पीक काढता येत नसल्याने तुटवडा भासत असल्याने दरात सुधारणा झाल्याचे व्यापारी सांगत आहेत. दर सुधारणेमुळे पुन्हा एकदा आल्याची आवक सुधारत आहे. आल्याला बाजारात मागणीही आहे. मात्र, आवकेचा दबाव मागील दोन महीने आल्याच्या भावावर दिसून आला..पपई दर टिकूनपपईला मागणी असतानाच बाजारातील आवक मात्र कमी आहे. त्यामुळे पपईच्या दरात मागील दोन आठवड्यांमध्ये सुधारणा झाली होती. पपईचे हे दर टिकून आहेत. सध्या राज्यात पपईचे उत्पादन कमी आहे. त्यातही दर्जेदार पपईची टंचाई भासत आहे. राज्यातील बाजारातही पपईची मागणी आहे. उत्तर भारतातूनही मागणी आहे. त्यामुळे शेतकऱ्यांना जागेवर सध्या १६०० ते १८०० रुपये प्रतिक्विंटलचा दर मिळत आहे. श्रावणमास व अन्य कारणांमुळे पपईला मागणी आहे. दुसरीकडे बाजारात पपईची आवक कमी आहे. त्यामुळे पुढील काही आठवडे दर स्थिर राहू शकतात, असा अंदाज पपई बाजारातील व्यापाऱ्यांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
