Market Bulletin: सोयाबीनमध्ये काहीशी सुधारणाराज्यातील बाजारात सोयाबीनच्या दरात काहीशी सुधारणा दिसून आली. प्रक्रिया प्लांट्सचे सोयाबीन खरेदीचे भाव ४ हजार ७०० ते ४ हजार ७५० रुपयांच्या दरम्यान होते. बाजारातील सोयाबीनची आवक सरासरी आहे. बाजारातील आवक पुढील काळात कमी होण्याची शक्यता आहे. सध्या हमीभावाने सोयाबीन खरेदीला चांगला प्रतिसाद मिळत आहे. बाजारात सध्या सोयाबीन ४ हजार ते ४ हजार ३०० रुपयाने विकली जात आहे. राज्यातील बाजारात सोयाबीनच्या दरात काहीसे चढ उतार राहू शकतात, असा अंदाज सोयाबीन बाजारातील अभ्यासकांनी व्यक्त केला. .कापूस दर स्थिरदेशातील बाजारात मागील काही दिवसांपासून कापसाचे भाव स्थिर आहेत. सध्या बाजारात आवक होणाऱ्या कापसाची जास्तीत जास्त खेरदी सीसीआय करत आहे. खुल्या बाजारात सध्या कापसाला सरासरी ७ हजार ते ७ हजार ४०० रुपयांचा दर मिळत आहे. तर हमीभाव ८ हजार १०० रुपये आहे. त्यामुळे शेतकरी सीसीआयला कापूस विकत आहेत. बाजारात येणाऱ्या एकूण कापसापैकी तब्बल ६० ते ७० टक्के कापूस सीसीआय खरेदी करत आहे. पुढील दोन आठवड्यानंतर बाजारातील आवक कमी होण्याची शक्यता आहे, असा अंदाज कापूस बाजारातील अभ्यासकांनी व्यक्त केला..Papaya Seedling Price: पपई रोपांच्या दरात घट.मका आवक टिकूनदेशातील बाजारात मागील काही आठवड्यांपासून मक्याचा बाजारभाव स्थिर आहे. बाजारातील आवक सरासरीपेक्षा सध्या जास्त आहे. याचा दबाव दरावर दिसत आहे. यंदा मक्याचे उत्पादन वाढले आहे. तर मक्याचा उठाव मर्यादीत आहे. सध्या मका सरासरी १६०० ते १७०० रुपयांच्या दरम्यान विकला जात आहे. मक्याची बाजारातील आवक पुढील काळातही चांगली राहण्याची शक्यता आहे. रब्बी हंगामातही मक्याची लागवड वाढत आहे. यामुळे मक्याचा पुरवठा चांगला राहील, असा अंदाज मका बाजारातील अभ्यासकांनी व्यक्त केला..Raisin Export: आठ महिन्यांत बेदाण्याची सहा हजार टन निर्यात.तुरीचे भाव दबावातचदेशातील बाजारात तुरीचा भाव मागील वर्षभर दबावातच आहे. तुरीला प्रतिक्विंटल सरासरी ६ हजार ५०० ते ७ हजार रुपये दर मिळत आहे. देशातील तुरीचे उत्पादन यंदाही कमी होण्याची शक्यता आहे. पाऊस आणि बदलत्या वातावरणाचा तुरीच्या उत्पादनावर परिणाम होत आहे. दुसरीकडे तुरीची आयात सरकारने खुली केली आहे. यामुळे देशात तुरीचा साठा तयार झाला आहे. तसेच सरकार मुक्त तूर आयातीला मुदतवाढ देण्याचीही शक्यता व्यक्त केली जात आहे. त्यामुळे बाजारावर दबाव राहील, असा अंदाज तूर बाजारातील अभ्यासकांनी व्यक्त केला..भेंडीचे दर टिकूनराज्यातील बाजारात भेंडीची आवक कमी आहे. आजही बहुतांशी भागांमध्ये भेंडीची आवक ५० ते १०० क्विंटलपेक्षा कमी होती. केवळ पुणे, मुंबई आणि नाशिक बाजारातील आवक काहीशी अधिक आहे. बाजारात भेंडी सरासरी ४ हजार ते ५ हजाराने विकली जात आहे. तर कमाल भाव काही बाजारांमध्ये ६ हजारही पाहायला मिळाला. बाजारातील भेंडीची आवक पुढील काही आठवड्यांमध्ये सुधारण्याची शक्यता आहे. त्यामुळे दरात काहीसे चढ उतार दिसू शकतात, असा अंदाज भाजीपाला बाजारातील जाणकारांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
